مجدي عبد الغني يفتح النار على «شوبير» بسبب «عمومية» الأهلي

فتح مجدي عبد الغني نجم الأهلي السابق، والإعلامي بقناة «ON» النار على أحمد شوبير، بعد انتقاده له بالتصفيق الحاد في الجمعية العمومية للقلعة الحمراء.


وقال عبد الغني في تصريحات لقناة الأهلي «إيه اللي مزعلك ياشوبير.. ايوه ده ملعب ولعب على كبير، ومش عاجبك إني اصقف للنادي الأهلي اللي عمل اسم مجدي عبد الغني وأنت تصقف للنادي اللي عمل اسمك.. بتتريق إني واقف ورا الأهلي ياعم شوبير».

واضاف «والله عيب عليك يا شوبير، ياريت الناس تبلغك عيب عليك إنك تتطلع تنتقدني.. في حاجات كتير أقدر أقولها.. حاجات كتير من وقت ماحنا بنلعب إحنا انتقدنا بعض واحنا في قناة واحدة وكان المنظر سيئ».

واختتم «عيب على العيش والملح.. ولا انت علشان عندك برنامج مع أبو العينين.. عيب أنا كابتن عليه أنا مقامي زي كابتن محمود الخطيب عنده».