منى البرنس.. تحاول الهروب من فضائحها باسم "النصب"

بعد إثارتها للجدل على مدار العام الماضي 2017، بتعمدها نشر صور حياتها الشخصية جدا، ورحلاتها الخاصة بصحبة أصدقاءها على شواطئ المدن الساحلية، والتي بدأتها بنشر صورا لها وهي ترتدي ملابس البحر "المايوه"، عبر حسابها الشخصي على موقع التواصل الاجتماعي «الفيس بوك»، وما أثارته من جدل بسبب الفيديو الذي نشرته كذلك وهي ترقص على أنغام الموسيقى، ودعت الجميع للرقص بحجة الإقبال على الحياة، لا تكف الدكتورة منى برنس، أستاذ اللغة الإنجليزية بجامعة قناة السويس، عن إثارة الدهشة وإصرارا على البقاء تحت دائرة الضوء.

 

 

وقالت عبر موقع التواصل الاجتماعي: «نرجع بقى لقصة الدعوة لحضور مؤتمر في جامعة الملك سعود.. الموضوع طلع نصب في نصب وغالبا شبكة نصب مصرية.. وهحكي التفاصيل.. شخص اسمه رفيق حسين كتب تعليق على صفحتي أنه في أستاذ سعودي بيحاول الاتصال بي من أسبوعين.. دخلت على الرسائل لقيت الموضوع زي ما كتبته قبل كدة، إن الدكتور فلان من جامعة الملك سعود بيحاول يرسل لي دعوة لحضور مؤتمر.. و ذكر رقم واتساب سعودي 00966533089106.

وتابعت: أنا بعت له الإيميل.. فقال لي هيراسلك فلان الفلان المدير التنفيذي للجامعة.. وبالفعل وصلني إيميل بالدعوة و قبلتها.. لأن عادي إن بيجي لي دعوات لحضور مؤاتمرات.. وعملت جوجل على أسم الدكتور اللي بيدور عليا وطلع فعلا أسم دكتور في الجامعة..المهم أنا فرحت وقلت حلو اروح البحر الاحمر واللي يقول لي اروح أعمل عمرة.. وواحدة صاحبتي تقول لي ما تنسيش تروحي تيران وصنافير وهيه بقى.

 

وبالفعل بدأت الدكتورة منى برنس، الاستطراد في كشف المؤامرة التي تتعرض لها على حد زمعمها، وكتبت: «مطلوب تحويلات مالية كرسوم مش عارف إيه ولازم حد يحولها من جوة السعودية.. أصل ما فيش تحويلات من مصر.. وأحد الزملاء عمل ترو كولر فطلع أسم تاني غير الأسم اللي عندي.. والتحويل يبقى بأسم واحد أسمه مدحت رمضان... أول ما لقينا الأسم قلنا دة مش ممكن يبقي أسم سعودي.. ده أكيد مصري.. وبقيت أنا وأصحابي علي المسنجر والتلفون بنقرأ صور الواتساب.. ونضحك بقى على الموضوع.. وطبعا الحمد لله ما حدش بعت فلوس لحد.. في نفس الوقت ده أنا اتهريت إيميلات من اللي بيقول أنه مدير الجامعة واستعجالات وتلفونات من اللي بيقول على نفسه دكتور».

وتابعت: بالليل بعت الإيميلات كلها وصور الواتساب لعميد كلية اللغات والترجمة في السعودية، وقلت له إن في نصب بيحصل بأسم الجامعة.. ماردش.. فبعت الصبح كل حاجة للأستاذ اللي الشخص اللي بيتصل بيا منتحل أسمه وصفته.. فرد عليا الدكتور.. وقال إنه لم يتصل بي ولا يعرف حاجة عن الموضوع.. قلت له ده للتبليغ فقط إن أسمك وإسمي وأسم الجامعة بيحصل بيهم موضوع نصب.. وأنا بحاول اتصل بالملحقية السعودية وما حدش بيرد.

واختتمت ما نشرت قائلة: المهم أنه في حد بيحاول يستغل أسمي ويورطني في عملية نصب على الأساتذة.. أنا طبعا بلغت كل الناس اللي طلبت منهم ترشيحات يوقفوا التعامل لأن ده نصب.. وبعت الإيميلات دي لعميد الكلية والاستاذ في السعودية حماية لي برضه.. إني بلغتهم رسمي.. وأنا بكتب القصة كلها على الفيس بوك برضه عشان الناس تعرف الحقيقة.. وما حدش يتواصل مع أي حد بيقول إنه من طرفي.. و الحمد لله إن الموضوع اتكشف قبل حد من أصحابي أو أنا نتورط في عمل غير قانوني... شكر.. ده لينك أول طرف في الشبكة.. الشخص اللي بعت لي رسالة في الأول خالص.