مرتضى منصور: علاء عبدالصادق بلطجي وعايز يولع البلد

قال المستشار مرتضى منصور، رئيس نادي الزمالك، إن علاء عبدالصادق، مدير الكرة بالنادي الأهلي إخوانجي وبيحرك عيال بلطجية صيع، وعايز يولع البلد .

وقال منصور في مداخلة هاتفية لبرنامج أسرار الملاعب على قناة العاصمة ، مع الإعلامي عصام شلتوت، مساء الثلاثاء: أحمد الشيخ عيل تافه غلط في الزمالك، ولما جاله فلوس أكثر جري على النادي الأهلي .

وأضاف رئيس الزمالك: علاء عبدالصادق الإخواني، ولازم يقولنا الملايين اللي عنده جابها منين، طالع يقولك بنحذر من عضبة جماهير الأهلي، يا بابا عندك جماهير وعندي جماهير، أوع تلعبوا على نقطة الجماهير .

وأوضح: لو جالي الولد واعتذر خلاص عفا الله عما سلف، ولكن شغل فردة الصدر مش هيمشي معانا، أحمد الشيخ عيل غلط، والمفروض الكبار مش يغلطوا، هتجيب جمهور هجيب جمهور .

وتابع: علاء عبدالصادق الإخواني بيحذر الزم حدودك يا إخوانجي، وبعدين أنا عندي مدير اتحاد كورة قدك يا علاء عبدالصادق 100 مرة، هتبلطج وتجيب عيال صغيرة صيع، هحركلك مليون عيل وأنا قاعد على سريري، ولكن أنا بخاف على البلد ومش عايز أولعها .