إنشاء مجلس جديد للأسرة.. هل يوقف نزيف حالات الطلاق؟

تمتلك مصر العديد من المجالس القومية للأمومة والطفولة والمرأة والسكان، إلا أن البرلمان المصرى يناقش حالياَ إنشاء مجلس جديد للأسرة، يشمل الزوجة والزوج والأولاد، وذلك بهدف الحفاظ على تماسك الأسر والتصدي لتفاقم مشكلات الطلاق، حيث باتت مشكلة الطلاق وتداعياتها الأسرية أزمة تؤرق المجتمع المصري مع التزايد المستمر في معدلات الانفصال لتسجل 710 آلاف و850 حالة خلال عام 2017 الماضي، وفقا لإحصائيات رسمية صادرة عن الجهاز المركزي للتعبئة والإحصاء.

ووفقاَ لإحصائيات رسمية صادرة عن وزارة العدل، فإن محاكم الأسرة المصرية، التي تم إنشاؤها قبل 14 عاما، تستقبل حوالي 1.5 مليون دعوى سنويا، تتعلق بالنفقات والأجور والمهور وحضانة الأبناء والرؤية والتطليق والخلع حيث يصل إجمالي المطلقات في مصر إلى أربعة ملايين مطلقة، لديهن حوالي تسعة ملايين طفل، لتتصدر مصر المرتبة الأولى عالميا كأكثر بلدان العالم في معدلات الطلاق، وفقا لمركز المعلومات ودعم اتخاذ القرار التابع لمجلس الوزراء المصري، ما ينذر معه بالخطر على المجتمع المصرى برمته. 

وبحسب الخبير القانونى والمحامى أحمد عبد القادر،  فقد سبق وأن تحدثنا عن الطلاق وأنواعه وأسبابه الذى يُعد وفقاَ لحديثه قطرة في بحر هذا العلم حيث خطت الأقلام الكثير والكثير من الأبحاث والمقالات في هذا الشان فى محاولة لعلاج هذا المرض  المزمن الذي ينخر كالسوس في جسد الآسر المصرية دون العثور على دواء أو علاج سوى ذلك الطرح الذى سيقدمه فى محاولة للحديث عن الطرق   العملية للمحافظة علي كيان الأسرة المصرية  . 

اقرأ أيضا: وهل للرجال عدة؟.. 5 حالات لعدة المرأة تعرف عليها

من أسمي العلاقات الإنسانية-بحسب «عبد القادر» فى تصريح لـ«صوت الأمة» بين البشر الحب فالحب نبته تنبت في قلوب الأحبة تكبر كلما أقتربوا لبعضهم وتضعف وتموت إذا لم تراعي لذلك من الأسباب الأساسية في الطلاق هو مرض موت الحب بين الزوجين فالمثل الشعبي قال «حبيبك يبلعلك الظلط وعدوك يتمنالك الغلط»، وردد قائلاَ: «اسمحولي لي أن اخلع عبائة اللغة العربية لأستطيع أرسال رسالتي كاملة لكل القراء فهذا كلام القلب  لا العقل».

وفقا لـ«عبد القادر»: «لو عايزين تعيشوا في سعادة لازم تستحملوا بعض لازم تتقبلوا بعض متقفوش لبعض علي الوحدة متجوزش إلا انت بتحبها وإنتي متتجوزيش وتقولي جوازة وخلاص احسن اعنس لأنك هتفضلي تتعذبي وتعذبيه معاكي، الزواج إن لم يكن صحيح معاف سينبت أبناء غير أسوياء فهناك الكثير من الأبحاث التي تؤكد أن أستخدام العنف  بين الازواج أمام الأبناء يجعل الابناء يعانون من مشكلات واضطربات نفسية حول الزواج».   

قدّم «عبد القادر» روشته تتضمن حزمة من التعليمات والنصائح التى من شأنها أن تساهم في الحد من مشكلة الطلاق كالتالى:

1- لو أنت أو أنتي بتحب حد بجد حاول متخسروش حارب عليه لأنك هتفضل طول عمرك لو خسرتوا مكانه فاضي في قلبك .

2- لو أنت بتحب مراتك حافظ علي هذا الحب فهو نعمة حاباك بها الله متحولش تخسر حبك ليها . 

اقرأ أيضا: المراكز القانونية لـ«طلاقات» الزواج الثلاث.. ومدى مشروعية «المحلل»

3- لو أنتي مبتحبيش الشخص اللي أنتي هتتجوزيه قولي لا متعمليش حساب الناس والعائلة لانك أنتي بس اللي هتفضلي تتعذبي علي هذا الخطأ ومش بس هتكوني ظلمتي نفسك لا أنتي ظلمتيه معاكي .

4- متخليش البيت استراحه أو مطعم لو عايز تعيش بجد خلي بيتك جنة علاقات أنسانيه بينك وبين زوجتك وبين ولادك .

5- لو بتحبي جوزك أوعي تخلي حبك ليه يقل ربي حبك لجوزك زي متربي عيالك .

6 - لو عايز جوزك يفضل يحبك « بلاش تعمليه بمعاملته لو هو وحش خليكي أنتي أحسن حالولي تخديه أنتي للحلو متخلهوش يخدك للوحش - بلاش تفضلي تنطحي وتبرري وتجادلي علي كل كبيرة وصغيرة - بلاش تقولي طالما هو وحش فان هبقي أوحش - بلاش يحس أني اللي بيشوفهم برا هو الستات اللي بجد أنتي مش اقل من أي حد».

7-  بلاش تكون بخيل هتتحوش علشان مين في الأخر هتموت وتسيب الفلوس حاول تبسط نفسك وتبسط اللي حواليك .

8- أهتمي بنفسك شوية مش لازم كل يوم ميكب وبرفيوم وهدوم جديده بس بردوا مش لازم كل يوم نفس الجلابية بسيطة جدا أنك تسرحي شعرك وتحيطي برفيوم بسيط  .

9- وأنت جي أفتكرها زي مبتجيب شكولاته لولادك هاتلها هي كمان حساسها إنها بنتك  .

10- خليه يحس أنه ليه مكان مميز في البيت أنه حد مهم يعني وفري ليه حبت أهتمام .

11- لو مبتحبش مراتك بس قدرك أنك اتجوزتها حالوا توصل إنت وهي لمرحلة تلاقي علشان المركب يعدي .

12- متفكرش انت او هي أ،ي حل المشكلة هو الطلاق الطلاق هو بداية لكل المشاكل فخلي تفكيركم في الطلاق أخر حاجة . 

13- أغفري وسمحي وضمي ( أحتويه ) جوزك في كل مرة يرجعلك فيها بلاش تنفريه وتقولي أنا هعلمك الادب انا خلاص مش عايزك .

14- أوعي تنسي تاريخ ميلادها تاريخ زواجك بيفرقوا جدا معاها  .

15- أسال أو أسالي دايما علي اهل الطرف الاخر  .

16- ونبي ياشيخة اهتمي بنفسك علشان يفضل يحبك وانت الله يخليك بلاش راحتك تكون سجاير بلاش ريحة العرق .

18- جددوا في علاقاتكم الزوجيه متخلوش العلاقة الحميميه حاجة مفروضه عليكوا .

19- بلاش يشوف فيكي رجولة مش المفروض تكون موجودة اصلا أستأصلي كل جينات الرجولة منك خليكي أنثة جسدا و ومعني فضعف الانثي مصدر قوته خليكي كيوت يابنتي . 

اقرأ أيضا: الطلاق عبر الأثير.. 5 حالات يقع فيها اليمين

20- خلايها تشوف فيك رجولة أبوها  وشهامة ولاد البلد غير علي مراتك.

21- متخلهوش ينام وهو زعلان وأنت متخلهاش تنام وهي معيطة.

22- متمنعهاش أنها تروح عند أهلها في حدود المعقول متكنش قاطع للأرحام.

23- حاجات كتير جدا بتفرق مع الست وحاجات بسيطة قوي بتفرق مع الراجل فلو كل واحد  خاف علي شعور التاني وأتقي الله أكيد هتقل كتير ظاهرة الطلاق.