علشان "نوران" بتحب الفلوس خلعت جوزها لما رفض الغربة وحب يعيش مع أهله

"زى أى اثنين متجوزين بنحاول نبنى مستقبلنا عشان لما نخلف يبقى معانا مبلغ نستسند عليه".. هكذا بدأت "نوران" تحكى روايتها مع زوجها التى رفعت ضده دعوى خلع بمحكمة مصر الجديدة علشان قرر عدم السفر لدولة خليجية لتأمين مستقبلهم وفضل يعيش جنب أهله .

 

وقالت نوران، خطوبتنا استمرت 3 سنوات بعد ما اتعرفت عليه عن طريق خطيب صاحبتى وطبعا زي أى اثنين داخلين على جواز أنا وهو بنشتغل وبنحاول نجمع الفلوس مع بعض عشان نشطب الشقة  ونظرا للظروف الإقتصادية اللى بيمر بيها معظم الشباب  قمنا بالاستغناء عن حاجات كتير وفعلا اتجوزنا".

 

وأضافت، "بعد 4 شهور من الجواز حصل زوجي علي عقد عمل فى دولة الأمارات بمرتب 4 أضعاف مرتبه في مصر ، إلا إنه رفض وإعتبر ان دي خيانه للبلد ورفض الشغل وقرر استكمال عمله هنا فى مصر فى الشركة التى يعمل بها والجلوس بجانب أسرته ، وأنا شعرت وقتها بالصدمة ورفضه للسفر بحجة الغربة وحشة، وأكدت انها لو كانت فى مكانه لقررت السفر من أول لحظة علشان تأمين مستقبلي ومستقبل اولادي  فيما بعد".

 

وتابعت، نوران حاولت إقناعه علشان نعيس مبسوطين زي كل اللي سافروا يشتغلوا  خارج مصر  لكنه رفض بشدة ، واضطررت أن أضعه في الاختيار بين السفر وبين الحياة معي ، وللأسف صمم على موقفه من عدم السفر وطلب منى عدم تكرار الحديث فى هذا الموضوع مرة آخرى ،  وقتها اسودت الدنيا في وشي وطلبت  الطلاق فرفض  ، وقررت تصعيد المشكلة ولجأت لمحكمة الأسرة ،ورفعت القضية من دون علمه ، وبعد أيام فودئ زوجي بالمحضر يدق الباب ليعلمه أنني قمت برفع دعوى خلع ضده، وقتها ثار وبالفعل قام بطلاقي بعدها ورفض يعطينى حقوقى ، ولجأت للمحكمة مرة آخرى لرفع دعوى نفقة وعدة والمطالبة بمؤخر الصداق ".