الحب مش كفاية.. 7 سنين حب وجواز وأبو "علا" هو اللى بيصرف على البيت

"عندى ٣٠ سنة  " و7 سنين خطوبة وجواز وعندي طفلين وأبويا اللى بيصرف على البيت ".. هكذا بدأت"علا.م" حكايتها التى أقامت بسببها دعوى خلع من زوجها فى محكمة الأسرة بمصر الجديدة بسبب بخله الشديد.

 

تروى "علا" قصتها لـ "صوت الأمة" وتقول : "تزوجت منذ ٥ سنوات وكان هناك فارق فى المستوى الاجتماعى، ومع ذلك وافقت لحبى الشديد له ، إلا أنه استغل هذه النقطة ولم ينفق على فكنت ألجأ لوالدي أطلب منه مبالغ مالية للإنفاق علي في البداية وعلي طفلي بعد انجابه ".

 

وأضافت، "بعد ما ربنا رزقنا بطفل قلت هيتغير ويبدأ يصرف عليه لقيته زاد ومبقاش يصرف أصلا حتى لما ابننا دخل الحضانة أبويا اللى كان بيدفع ولما كبر واحتاج يدخل المدرسة جوزى كان عايز يدخله مدرسة حكومية وأنا  رفضت لأنى أنا أتعلمت فى مدارس خاصة ووقتها والدى قالى خلاص أنا هدفعله المصاريف ونقدم".

 

واستكملت "علا" البخيل مش بخيل فى الفلوس  و بس بخيل فى كل حاجة مشاعر وفلوس ومعاملة وكل حاجة، وكثير كنت بقدر وأقول بسبب الغلاء والعيشة الصعبة علشان الحب اللي حبيته له ..لكن الإنسان طاقة وأهلى مش عايزين غير سترى ومن شهرين بس قررت الانفصال عنه لأنه لا يقوم بأي واجبات تجاهي وطمعان  أن أهلي يصرفوا عليه  وبيطلب بكل بجاحة المصاريف منهم وفعلا تواصلت مع محامى وأقمت  دعوى خلع".