محمد مراته "مفترية".. بعد حب 5 سنين ربطته بابنها وخدت مرتبه ورفعت قضية طلاق

عاشا سويا أجمل قصة حب لمدة ٥ سنوات قبل الزواج.. وبعده سلبت منه عقله وسرقت كل ما يملك، حالة من الانكسار والحزن هى التى انتابت "محمد" على أبواب محكمة الأسرة مما دفع " صوت الأمة " للتعرف على حكايته والذى يرويها بنفسه.

 

ويقول: حكايتى مع زوجتى الجبارة تبدأ بعد الزواج بشهرين تبدلت الانسانة الرقيقة التى عشنا مع بعض سويا قصة حب دامت خمس سنوات، وبدأت في احراجي أمام الجيران وأهلها بالصوت العالى حتى بعد انجابنا ظلت علي حالها من الغطرسة والافترا  رغم أني  راجل محترم وشغال شغل كويس فأتعودت انى اتعامل بإحترام وهى مكنتش كده معرفش ايه اللى غيرها".

 

واستكمل محمد، "أنا لحد آخر وقت بعاملها بما يرضى الله الا أنى لما كنت مش بسمع كلامها كانت تطلعنى من الشقة وتقولى أخرج برا بيتى وهو فى الأصل بيتى أنا ورغم كده كنت أقول حرام أطلع عند أهلى هى ست".

 

وأضاف، "كنت زوج مطيع لآخر درجة وعاوز أعيش علشان ابنى، لكنها تمادت فى غطرستها وطغيانها في البيت ، وكانت بتصحيني بقلة ذوق وبتدلق علي ميه باردة، هذا بخلاف استيلائها على مرتبى بالكامل بشكل شهرى، وكثير اشتكيت لأهلها لكنهم مكنوش بيقدروا عليها.

 

وتابع، "محمد"، دبرت زوجتى مكيدة ليا، أبلغتني أننا سنذهب فى مشوار نزلت معاها واكتشفت انها محضرة عقود بيع وشراء لشقة الزوجية وعربيتى وساعتها رفضت وكان يوم مطلعلوش شمس ومن يومها معرفتش ادخل بيتى تانى".

 

وأكد محمد انه ذهب لأحد أصدقائه للعيش معه وتفاجئ بأن زوجته اقامت ضده دعوى طلاق للضرر مدعيه انه بخيل ولا ينفق عليها، لافتا "الزوجات الأيام دى بيتحكموا فينا عشان الخلع والمؤخر، وهما مهما عملوا بدموعهم بيطلعوا المظلومين وإحنا شايفين الغلب ومرارتنا مبقتش مستحملة شغل ٢٤ ساعة عشان راحتهم، منهم لله" هكذا ختم محمد حكايته بعد أن شاف الأمرين من زوجته.