تامر حسنى لمعجبيه: وظف طاقتك لتحقيق أحلامك مش للـ«هري»

عبر الفنان تامر حسنى، من خلال صفحتة على موقع التواصل الاجتماعى «فيس بوك» عن سعادته بتقليل ردود الأفعال السبية التى كان يراها على صفحتة على موقع التواصل الاجتماعى.

قائلا: «مسائكم ابيض يا شباب، بعيداً عن أني شوفت في تعليقاتكم في اخر بوست، قليل من السلبية، الا أنه مع اول بوست جديد الردود السلبية أو الآراء المحبطة بجد بقت قليله جداً، ودي حاجه مفرحاني أوي، لأن الردود الإيجابية اكتر بكتير».

وتابع «حسنى»: «وحتى اللي كان بيقولى انزل أرض الواقع.. رد عليه حد وقال له على فكره تامر مر بظروف أصعب مننا وبدأ في نفس الواقع المر اللي إحنا عايشينه ووصل لحلمه، وفي كمان اللي قال ايه الكلام المثالي ده».

وعلق نجم الجيل: «أن اقل حقوقنا أننا نحلم او يكون عندنا طموح، ومينفعش حد بيقول عليها مثالية، لا يا شباب ده العادي على فكره، العادي انك تحلم وتحقق، دي رسالتنا وكل واحد وطموحه في مجاله»، موضحًا: «لازم طول الوقت نشتغل على نفسنا ونطور منها، مش شرط فالشغل بس، ممكن نطور في سلوكنا الشخصي، ممكن في علاقتنا مع ربنا واهالينا، وثقافة الحوار وتقبل الرأي الآخر دون تصنيف، وفي عدم انقسامنا وتعصبنا المفرط اللي فرقنا كتير لفهمنا الخاطيء لبعض».

وأضاف: «لازم نعرف أن الإنسان طاقه، شوف بقى هتوظفها في أيه، اكيد لازم توظفها لخدمتك مش في الهري»، وأردف: «ومينفعش لما تهمل فى نفسنا وتلاقى حد أحسن منك تزعل، لان الخطأ عنداك انت اللي وظفت طاقتك للتسليم بفكره الإحباط واليأس، وفي التركيز مع الآخر».

وأختتم نجم الجيل رسالته قائلًا: «ده مش كلام مثالي ده الطبيعي يا جماعه، وده بالظبط اللي عمله كل واحد ناجح دلوقتي، ولسه برضه حتى لما تنجح لازم شغلك على نفسك وتوظف طاقتك».