شريفة ماهر لابنها شريف: إنت كذاب وضلالي.. مضاني على عقود للاستيلاء على أملاكي (فيديو)

عادت الفنانة شريفة ماهر للأضواء من جديد، وتصدرت مؤشرات البحث بعد اتهامها لابنها بأخذ أملاكها دون معرفتها، ووقعت مشادة كلامية شديدة بين الفنانة شريفة ماهر وابنها شريف الذي تتهمه بالاستيلاء على ممتلكاتها.

دعاء شريفة ماهر على إبنها

و خلال لقاء شريفة ماهر ببرنامج 90 دقيقة على قناة المحور الذي تقدمه الإعلامية بسمة وهبة، وفي بداية المداخلة الهاتفية لشريف نجل شريفة ماهر بالبرنامج، دعت عليه قائلة:"الله لا يكسبك يا بعيد"، ورد عليها قائلا:"شكرا"، وقال إنه يريد أن يحكي دون أي مقاطعة، لتدعي عليه قائلة:"جاك قطع رقبتك يا شيخ".

ابن شريفة ماهر: لا يمكن امد أيدي عليها

وابن شريفة ماهر كذبها قائلا: "مش ممكن في حياتي اشتمها أو أمد ايدي عليها تتقطع قبل ممدها.. أنا مشتري الشقق دي من سنة 2007، وعماراتك كلها باسمي وعامل عليها صحة توقيع من 2007، والمهندس اللي كان باني معاها العمارة شاهد على العقود دي.. ازاي أنا هحطلها ورق في وسط العقود وامضيها زي مبتقول بدون إرادتها..  وبديها الفلوس عشان تعيش منها.. واختي اللي بتقول عليها قلبها حجر مدياها فوق المليون جنيه و100 ألف جنيه سمسرة في الفيلا اللي باعتها".

شريفة ماهر: كداب وضلالي

لتقاطعه شريفة ماهر قائلة:"كداب والمصحف كداب.. هسجنك.. مليون جنيه وسمسرة يكداب أنت بتصلي انت.. ربنا هينتقم منك اعدم عنيا والقرآن بتاع ربنا محصل اللي بتقوله خالص كداب وضلالي".

تفاصيل أزمة شريفة ماهر

وحكت شريف ماهر خلال البرنامج تفاصيل أزمتها قائلة: "وزعت جزء كبير من ميراثي.. شريف وطارق شتموني.. شريف زقني مرتين ودراعي اتكسر من 4 سنين، ولادي أخدوا كل اللي حيلتي.. وشريف قالي هقلعك هدومك.. بنتي ناهد مش حنينة وقلبها جامد عليا منها لله وقلبها أجمد من أخواتها ومسألتش عليا، وشريف طول عمره بيحب الفلوس أكتر من أبوه وأمه".

شريفة ماهر: ابني مضاني على عقود

وأردفت شريفة ماهر قائلة: "في فيلم أعز الحبايب الفنان شكري سرحان ضربني بالقلم وعيني نزلت دم.. ومبقتش أشوف كويس..وابني شريف استغل ده وكان بيمضيني على العقد وكتير أوي، مضاني على 4 عقود معرفش ايه موجود فيهم".

 شريفة ماهر: مكنتش أتخيل انه يعمل كده

واستكملت بحزن قائلة: "مش هشتكيه وربنا هيجيب لي حقي.. وطلب مني يروح يقعد معايا في شقة جاردن سيتي.. ومضاني وأنا مش بشوف على حاجتي مش بتاعتي وهي الشقة دي الإيجار.. وأبوه قبل ما يموت قالي هأمنك عشان شريف لما هموت هيقلعك هدومك وفعلا طول عمره بيعبد الفلوس.. ومكنتش أتخيل إنه يعمل فيا كده، بقاله 9 أشهر مسألش عليا.. و طردني من شقتي الايجار، ودلوقتي قاعدة في عمارة كاتباها باسم بنتي نيفين، وحد قال لي إن شريف طلب الفيلا من الشهر العقاري رغم إن نيفين مسجلاها، وفعلا استولى عليها وخان الأمانة".

من هي شريفة ماهر؟

شريفة ماهر ولدت في حي حلوان بمدينة القاهرة في عام 1932، تخرجت من إحدى المدارس الفرنسية، ثم اكتشفها الموسيقار الراحل محمد عبدالوهاب، وتعاقد معها لمدة ثلاث سنوات، وعملت بعدها في السينما من خلال الغناء والتمثيل، وعرفت بأدوار الفتاة المتسلطة، ومن أفلامها: (ارحم دموعي، كرامة زوجتي، أعز الحبايب، المصير).