شرين تخرج عن صمتها.. قضت 4 سنوات من العذاب

خلال اتصال هاتفى، أجرته الفنانة شيرين عبد الوهاب مع الإعلامية اللبنانية نضال الأحمدية، أكدت شيرين أن ما كتب عبر خاصية الاستورى على موقع تبادل الصور انستجرام على صفحة حسام حبيب، هو كلام سخيف، وأمه هي اللى كتبت الكلام ده، علشان هو ابن أمه، والحيلة الدلوعة وعايز كلمته مسموعة، نافش نفسه على مفيش.

وأضافت شيرين خلال المداخلة الهاتفية، أنها قضت 4 سنوات من العذاب، وفى سخرية من الحديث، قالت شيرين لـ نضال: اضحكوا عليا وخلونى أصدق أن السنين اللى فاتت كانوا حلوين، يمكن أصدق، وهى إشارة منها أنها مرت بأصعب تجربة في حياتها.

وأشارت شيرين، إلى أن ربنا هو نصير الغلابة، وأى حد بيتعرض لظلم ربنا بيكون نصيره، لافتة إلى أنها بنى أدمة حلوة وزى العسل، والحمد لله أسنانى اتعدلت وبقيت حلوة.

وردت شيرين على سؤال صادم من نضال الأحمدية، لم تنتحرى من شدة التعنيف، هل لم تنتحرى من شدة إيمانك؟، لترد شيرين أنها حاولت الانتحار، لكن ربنا سترها معايا لغاية دلوقتى، لكن أنا عملت كل حاجة تخلينى أموت، لكن يبدو أن ربنا مش عايزنى دلوقتى".