أخر كلمات أسماء مصطفى: "الدنيا بتصغر ومش دايم غير المعروف.. وزوجي سندي ودنيتي"

الموت غيب الإعلامية أسماء مصطفى، مقدم برنامج "هذا الصباح" على شاشة "إكسترا نيوز" عن عالمنا اليوم، بعد صراع مع مرض السرطان، حيث أعلنت الإعلامية إصابتها بالسرطان في أبريل 2021، وقبل أشهر خضعت لجراحة دقيقة لإزالة ورم خبيث.

الإعلامية أسماء مصطفى وأخر كلماتها

في رسالة مؤثرة في منتصف أكتوبر الماضي، وجّهت الإعلامية أسماء مصطفى إلى متابعيها عبر فيس بوك، قالت فيها إن نظرتها للحياة تغيرت بعد إصابتها بالسرطان: "معرفش ليه بجد الإنسان لما بيجرب إنه قرب من الموت وربنا بينجيه ويقف معاه، كل شوية يقرب ويبعد، الدنيا في نظره بتصغر، وبيحس إنه كان بيدي أمور ملهاش لازمة مساحة في حياته، وبيحتفظ في قلبه بعيلته وأهله والناس الحلوة الطيبة اللي حواليه، دول بس اللي بيفضل فاكرهم".

أسماء مصطفى: مش دايم غير المعروف

وتابعت أسماء مصطفى الإعلامية الراحلة منشورها: "حتى لو حد كان مزعله أو فيه موقف، وجت السيرة بالصدفة، حقيقي بكون مش فاكرة أساسا، بفكر في ناس تانية خالص، سبحان الله، فعلا مش دايم غير المعروف والمحبة والسيرة الطيبة".

ماذا قالت أسماء مصطفى عن زوجها؟

وكانت الإعلامية أسماء مصطفى أعربت عن حبها الشديد لزوجها أيمن أبوالعلا في آخر منشور لها عبر حسابها على إنستجرام، حيث نشرت صورة تجمعها به، وعلقت عليها: "أمي ربنا يديها العمر والصحة ويصبرها على ابتلاءها فيا، قبل ما أتجوز لأني كنت برفض ناس كتير، كل ما كانت تسألني كنت أقولها عايزة أتجوز راجل بيحبني بجد لنفسي، فكانت تدعي وتقولي ربنا يرزقك باللي يقدرك ويريح قلبك ويكون ابن أصول".

واردفت أسماء مصطفى في منشورها: "عمرها ما اتمنت لي عريس يجبيلي مثلا شبكة بكام ولا هسكن ولا حاجة خالص زي ما بيحصل، ولا طلبت غير راحة بالي وحد يقدرني، وربنا سبحانه وتعالى استجاب دعوتنا احنا الاتنين، رزقني براجل بجد بيحبني لنفسي ولشخصي وبيقدرني، والمحنة والمرض خلوني أفتكر دعوتها".

أسماء مصطفى والمرض

واستكملت أسماء مصطفى منشورها: "المرض الملعون ده دمرني، لكن هو شايفني أحلى ست في الدنيا، لقيته ضهري وسندي في دنيتي، ربنا يحميه ويحفظه ويكفيه شر الحاسدين ويبارك في أولادنا ويحفظهم ونقدر نعدي المحنة ونخرج بمنحة، يا رب صبرنا على ابتلاءنا".

إصابة أسماء مصطفى بالسرطان

والإعلامية الراحلة أسماء مصطفى، أعلنت إصابتها بمرض السرطان في أبريل الماضي، عبر منشور على فيس بوك، قائلة: "أنا حالي حال ناس غيري كتير بيمروا بمعركة مع المرض اللعين، الاسم صعب معلش، وأنا منهم بحاول وبكافح، وربنا كريم، صحيح المشوار لسّا طويل والشفا بإيدين ربنا وحده، وما علينا غير إننا ناخد بالأسباب ونرضى بقضاء الله ونسأله اللطف فيه، مش عايزة حد يزعل، أنا بس محتاجة الدعاء لأني مؤمنة إنه بيغير القدر، أنا قطعت مسافة كويسة في رحلة العلاج الحمد لله، ولسة في خطوات تانية ربنا يسهل، في انتظار تحديد ميعاد العملية، عشان كدة عدم ظهوري هيطول، رجاء تاني محدش يتضايق، فضلا الدعاء".