هاني شاكر باكيا: "بيقولوا سيبت بنتك في باريس تعبانة ونزلت عشان حفلة وتاخد فلوس"

دخل نقيب المهن الموسيقية الفنان هاني شاكر في نوبة بكاء عندما تحدث عن ابنته الراحلة دينا، خاصه مع اتهامه بتركها بمفردها اثناء رحلة علاجها ليتصدر الفنان هاني شاكر التريندعلي محرك البحث جوجل بعد ظهوره ببرنامج شيخ الحارة والجريئة.

رد الفنان هاني شاكر

جاء رد الفنان هاني شاكر علي ما وجه اليه من اتهامات بأن دخل في نوبة بكاء قائلا "بيقولوا سيبت بنتك في باريس تعبانة ونزلت عشان حفلة وتاخد فلوس"،مضيفا "دينا توفت في 2011 ومع احترامي لمعلوماتك أول حفلة عملتها بعد الوفاة كانت في مهرجان موازين في المغرب 2014، يعني بعد الوفاة بـ3 سنوات".

وأضاف هاني شاكر"أنا ماسبتش بنتي لحظة في باريس، ونزلت أعمل حفلة زي ما بتقول، أنهي نفس أصلا تخليني أعمل حفلة وبنتي بتروح قدام عيني، للأسف الناس اللي بتقول الكلام ده هتتحاسب حساب عسير، وحسبي الله ونعم الوكيل، إحساس فقدان الضنا ده صعب أوي".

وتابع "لو واحد فقد ضناه بقوله ربنا معاك، أوحش حاجة في الدنيا تشوف ضناك يروح منك، صعب جدا جدا، ودينا لا سبتني ولا سابت نهلة ولا سابت البيت، هي معانا صبح وليل، أصعب ابتلاء ابتلاء الضنا، ربنا يصبر كل واحد ربنا ابتلاه بهذا الابتلاء، بقولها بحبك أوي وحشتني أوي، إنتي مش بتروحي من بالي ولا من بال نهلة ولا بال كل العائلة، وكل الناس وكل أصحابك اللي بنشوفهم لحد دلوقت".

قائلا "ولادك بقوا جمال وزي القمر، اطمني يا حبيبتي بنفكرهم بيكي ونوريهم الصور على طول".

هاني شاكر واغاني المهرجانات

وخلال حديثه عن اغاني المهرجانات أبدى الفنان هاني شاكر، اندهاشه الشديد من وجود أغنية شعبية بعنوان "أندال أندال"، قائلا "لا أستمع لأغاني المهرجانات إطلاقا"، لكني بُحب أغنية "بنت الجيران"، موضحًا أنه قام بغنائها في أحد البرامج التليفزيونية على سبيل الهزار: "أنا مش معترض على بنت الجيران خالص، دي أغنية حلوة وجميلة وناجحة، أنا بحبها جدًا، أنا كنت معترض فقط على الكلمات الخارجة اللي فيها".

وعن احتواء الاغنية علي اللفاظ مثل اندال اندال قال هاني شاكر"اضايقت جدًا لما الناس كلها سمعت اللفظين دول على الهواء في التليفزيون المصري خلال احتفالية ستاد القاهرة، رغم أنهم وعدوني أنهم هيعدلوا الكلمات، فوجئت أنهم طلعوا قالوا نفس الكلام، بس أنا معرفش أغاني المهرجانات ولا أعرف أحمد موزة ولا عنبة".

وتسائل:هو احنا فعلا عندنا أغنية اسمها أندال أندال؟
هاني شاكر وويجز

وعن ويجز قال نقيب المهن الموسيقية هاني شاكر، هو إنسان جميل وتعرف عليه مؤخرًا "هو شاب جميل اسمه أحمد، بيغني راب، من الناس المحترمة جدا، بيقدم فن جميل ويقدم لون مختلف عاجب الناس والشباب، احترمته أوي لما كلمته أخر مرة وأتفقت معاه أنه في أقرب امتحان هيتقدم للنقابة ويخش في شعبة الراب".

 

للاطلاع على أبرز وأهم الأخبار والأحداث يرجى الاشتراك بالصفحة الرسمية لموقع صوت الأمة.. اضغط هنا