حورية فرغلي من أمريكا: يوميًا على اليوتيوب ألاقي خبر وفاتي «حرام عليكم»

وجهت الفنانة حورية فرغلي، رسالة صوتية لجمهورها ومتابعيها لتطمئنهم على حالتها الصحية، حيث تخضع حاليًا حورية فرغلي لعدة عمليات جراحية في ولاية شيكاغو الأمريكية، حيث نجحت العملية الجراحية الأولى، والتي كانت عبارة عن استقطاع خلايا جذعية وبعض العظام من القفص الصدرى لوضعهما في الأنف لتعود للشكل الطبيعي.

 

رسالة حورية فرغلي لجمهورها

وقالت حورية فرغلي في رسالتها الصوتية: مصر الحبيبة، جمهوري الجبيب، صحابي، أهلى كل الناس وحشتونى وحشتونى، أنا بكلمكم من شيكاغو، بعد عملية عملتها يوم 8 فبراير الماضى، استغرقت 10 ساعات، اتألمت فيها كتير قوي، وبدعواتكم ودعوات أمى، قدرت اتغلب على الألم، وبعمل اللى الدكتور قالى عليه، جلسات الأكسجين، علشان يحضرنى للعملية التانية اللي هعملها يوم 1 مارس إن شاء الله.

 

 

وتابعت حورية: العملية التانية هتكون 3 ساعات فقط، وبدعمكم الكبير حاسة أنى هرجع أقوى من الأول، ومكنتش أعرف أن كل الحب ده ليا، رغم أنى الحاجات مكنتش بشوفها في مصر قبل كده، وبطلب منكم، أرجوكم، متخلوش الناس، تعمل حاجات مش حلوة، علشان  بدخل على اليوتيوب يوميًا ألاقى خبر وفاتى، وأخبار صعبة عنى جدًا لغاية إمبارح، وأن الكلام ده ممكن يأثر عليا جدًا، ويأثر على كل الناس اللى حواليا، وليه الكلام ده، وحرام عليكوا، الناس محتاجة دعواتكم، وبشكر الجميع على الدعم والمحبة، والناس الحقودة اللى مش عايزة الناس تنجح، لازم يعرفوا إن الناجح هيرجع تانى، وإن شاء الله هرجع أحسن من الأول، وإن شاء الله هكلمكم أول ما أخلص العملية الثانية ، علشان كنتوا داعمين ليا وكنتوا في ضهرى طول الوقت، واستنوا منى مكالمة يوم الإثنين بعد العملية أول ما أفوق.

 

 

العملية الثانية لحورية فرغلي

تخضع الفنانة حورية فرغلى إلى العملية الجراحية الثانية في الانف غدا وذلك بعد 20 يومًا من نجاح العملية الجراحية الأولى وتعد العملية الثانية، هي تعديل الأنف للشكل الطبيعي ونحتها، بعدما جاءت العملية الأولى باستقطاع خلايا جذعية وعظام من القفص الصدري، ووضعهما في الأنف لتعود الأنف لشكلها الطبيعي، بالإضافة إلى تطور حاسة الشم والتذوق لدى حورية بعد نجاح العملية الجراحية الأولى، ومن المقرر أن تستغرق العملية الثانية 3 ساعات على أقصى تقدير.

 

للاطلاع على أبرز وأهم الأخبار والأحداث يرجى الاشتراك بالصفحة الرسمية لموقع صوت الأمة.. اضغط هنا