«يا رايح كتر من الفضايح».. خناقة طارق العوضي وزوجة هشام عبدالله تفضح الإخوان (صور)

خناقة جديدة نشبت بين المحامي طارق العوضي وزوجة الإخوانى الهارب هشام عبد الله، غادة نجيب، بعد هجوم الأول على الفنان الهارب، حيث اتهم الطرفان بعضهما بالأخونة والأمنجة لصالح اسطنبول.

وسبق للعوضي مهاجمة هشام عبد الله وزوجته، في مقطع فيديو، قال فيه إن المذيع الهارب يتقاضى مرتب 4500 دولار شهرياً على الأقل، وأنه وزوجته كانا يريدان العودة لمصر وطلبا من العوضي أن يجد طريقة لذلك.

وسرعان ما تحولت القصة إلى اتهامات متبادلة بالأخونة ما أثار سخرية رواد السوشيال ميديا.

الخناقة الجديدة شهدتها موقع التواصل الاجتماعى "فيسبوك"، وجه فيها العوضى حديثه إلى غادة نجيب وهشام عبدالله: "طب ليه بعد ما رجعت طارق عبدالجابر طلبتم مني ترجعوا مصر وأني أشوف لكم طريقة وأنكم تقعدوا ساكتين ومش هتتكلموا في أي حاجه؟ وليه انت الوحيدة لما كان بيتقبض عليك كنتي بتنزلي من العربية؟ وكمان دورك في تشويه الناس اللي عندكم ووصفهم بأنهم أمنجية كلهم بشكل ممنهج ده بتعمليه لحساب مين؟ ننشر بقىء فويسات واسكرينات من على الواتس والشات".

وردت غادة: "أنا مش هشتمت ولا أقل أدبي عشان ميتحجكش وميهربش ويعمل بلوك ده تعليق المحامى طارق العوضي عندى والمفروض أنه عنده فويسات وسكرينات مش هقولك أنت بتعمل ده لصالح مين ولا هتهمك بحاجة أنا عايزاك راجل وأد كلمتك وتنشر الفويسات والاسكرينات اللي بتقول عليها ولو منشرتش الفويسات والاسكرينات يبقي السؤال انت بتكدب لصالح مين يا استاذ طارق؟".

 

وأضافت زوجة الهارب، عبر فيسبوك: "طارق العوضي عملي بلوك رغم إنى قصدت مشتمهوش عشان ميبقاش له حجة وأي حد يقدر يراجع البوست السابق والتعليقات هو ادعى إننا طلبنا منه نرجع مصر وعنده فويسات واسكرينات ولأن البينة على من ادعى طالبته ينشرها ولأنه كداب طبعا راح عملي بلوك، بعتله على الوتساب رد الرد الوسخ ده وعملي بلوك، بردوا والسؤال اللي اجابته عندى، أنت يا طارق كدبت واتبليت عليا لصالح مين؟ يعنى الأمن كلفك بكده ولا أنت اتبرعت عشان تنفذ زميلك امنجى استنبول".

وقال أحد رواد تويتر: "طارق العوضي وغاده نجيب واقعين في بعض وخناقات لوز على الفيس اللي فاضي يتفرج دي صفحته"، فيما قال آخر: "أجمل حاجة في خناقة طارق العوضي مع غادة تجيب أن أول ما طارق العوضي وهو محامي وطني معارض، قال إن حي الاسمرات إنجاز خرج هشام عبد الله وباقي شلة تركيا تشتمه وتخونة، منطق الإخوانجية تكون دلدول ليا، تبقى حبيبي تخرج برة السكريبت تبقى أمنجي وخاين إهداء لبتوع وحدة الصف والمصالحة".