مصور فوتوسيشن «حب في غرفة العمليات» لـصوت الأمة: طبقنا التباعد الاجتماعي أحسن من اللي في العتبة
الثلاثاء، 26 مايو 2020 12:37 ص
انتشر صباح اليوم على وسائل التواصل الاجتماعي فيسبوك وتويتر صور لشاب وفتاة يوثقان ارتباطهما داخل غرفة العمليات فى مستشفى دار الشفاء بالمنصورة، وأظهرت الصور أن أن الشابين قررا توثيق أجمل لحظاتهما فى أكثر مكان مرتبط بحياتهما وهو أروقة المستشفى وغرفها والأجهزة الطبية.
العروسان تعرضا لهجوم كبير على مواقع التواصل الاجتماعي بسبب ما أسموه رواد هذه المواقع عدم التزام العروسان باجراءات التباعد الاجتماعي والإغلاق التى يفرضها فيروس كورونا المستجد "كوفيد 19"، حيث تظهر فى الصور الدكتورة آية، وهى تجرى الفحوصات لخطيبها محمد.
حكاية الفوتوسيشن
كما تظهر الصور دعم الطبيبة لعريسها بجلسة أكسجين، ثم تقيس له الضغط ودرجة حرارة الجسم، وفى بعض الصور يفاجئ محمد خطيبته بتغمية عينيها، يليها ارتداء دبل الخطوبة داخل غرفة العمليات.
وفي تصريحات خاصة لـ صوت الأمة قال مصور الفوتوسيشن محمد سليم: « الفكرة جتلي من عريس وعروس كانوا مقررين يعملوا فرح، احنا دايماً كمصورين بندور اننا نشتغل فكرة جديدة بحيث تعجب الناس، فكرت اننا نعمل حاجة جديدة تواكب الظروف اللي احنا فيها هما الاتنين مخطوبين والمفروض انهم كانوا هيتحوزا لكن بسبب ظروف البلد ووفاة والد العروسة معاد الفرح اتاجل».
العروسة ممرضة
وعن بعض ما تم تداوله على السويشيال ميديا بشأن أن العروسين ليس لهما علاقة بالمجال الطبي يؤكد "سليم" أن العروسة ممرضة والعرسس إداري بالمستشفى أي أنه له علاقة بالمجال الطبي.
وبسؤاله عن اتخاذهم إجراءات التباعد الاجتماعي في ظل أزمة كورونا، خصوصاً ان بعض الانتقادات التي تعرضوا لها كانت بسبب غياب التباعد الاجتماعي يوضح سليم: "بالنسبة للتباعد الاجتماعي احنا فردين أو تلاتة في مكان واحد مش كتير احنا لو نزلنا الشارع هنلاقي عشرات من الناس مهما تاخد من اجراءات احترازية أو وقائية فهي مش أمنة بالعكس في موجود في العتبة والمنصورة زحام شديد من الناس، عندنا المواصلات العامة والمترو فيها زحمة كبيرة جداً أنا اكون داخل مكان أنا وشخصين واحنا مش مصابين وواخدين كل الاجراات الوقائية بتاعتنا فده أممن كمان من الشارع".
انتقادات حادة
ويتابع: "بالنسبة للانتقادات طبيعي يكون فيه انتقادات ودي حاجة كنت متوقعها لأن مش كل حاجة هعملها هتعجب كل الناس، لكن أنا بالنسبلة لي حبيت أكون كريتف في أفكاري في ناس عجيتها الفكرة وفيه ناس انتقدت بأسلوب مش كويس".
