إنشاء 2000 منزل بتكلفة 6 مليارات.. ماذا قال السيسي عن تنمية سيناء؟

وأضاف الرئيس السيسي "جدوى الاقتصاد بتاعته ولو اتعملت محطة رسوم لا يمكن تجيب تكلفة صيانته، ولكن مهتمين أن نعمر سيناء، وتكتسب جزء من حجم السكان اللى موجود فى الدلتا والصعيد".

 

وتحدث السيسي عن العالقين المصريين في دول العالم وعددهم 3500 مصري قائلا: أنه كلف الحكومة بإعادة جميع العالقين المصريين إلى بلدهم مصر".

 

وذكر الرئيس عبد الفتاح السيسى، خلال افتتاح بعض المشروعات القومية فى الإسماعيلية، إن البيوت البدوية التى بنيت فى سيناء بلغت تكلفتها 6 مليارات جنيه، مشيرا إلى أن تكلفة المنزل الواحد بلغ 3 ملايين جنيه.

 

وأضاف الرئيس السيسى، أن التنمية الحقيقية فى سيناء تحتاج مبالغ طائلة، متابعا: قولولى مين يعمل كده وهناخد كم، هناخد نصف المبلغ تفتكروا؟، الكيان الصغير الـ 5 أفدنة اللى اتعلموا.. التنمية الحقيقية فى سيناء كلام محتاج أرقام هائلة بنتكلم فى 2000 بيت اتكلفوا 6 مليارات.. البيت الواحد عملناه تكلفته 3 ملايين جنيه".

 

وتابع الرئيس: "موضوع التنمية فى سيناء والكل هاجم كده، البيانات دى متاحة وموقع الرئاسة كل كلمة بتتقال قدام منكم موجودة على الموقع بتاعى، عاوز تخش وترد وتعمل سياق فكرى واقتصادى واجتماعى وانسانى وتقوله للناس، اللى عاوز يتكلم على سيناء ويفكر فيها بنعرض عليك اللى لو عندك زيادة عن كده هسمع منك وأبقا سعيد.. اللى بنعمله بفضل الله لا كان يتعمل أبدا ولا يتعمل فى المدة الزمنية الصغيرة اللى اتعمل فيها ودى خطوة من ألف خطوة".

 

وقال الرئيس السيسى، إن تكلفة المشروعات المتعلقة بسيناء تصل لـ600 مليار جنيه، تختص الهيئة الهندسية للجيش على نصف هذه التكلفة بواقع 300 مليار جنيه.

 

وأضاف الرئيس،: "هناك 60 ألف كيلو متر مربع في سيناء.. إحدى المقالات تحدثت عن سيناء وإمكانياتها، وهناك من طرح أفكارًا لها وكل الكلام مقدر، ومحدش أبدًا لما حد يتكلم يقول له أهدافًا.. ولكن كنت أتمنى إن كل اللى عاوز يرد على أى حاجة يكون على علم بما نقوم به خلال الفترة الماضية فى 6 سنوات ماضية.. ماذا فعلنا فى سيناء، صرفنا أموالا هائلة.. 60 ألف كيلو متر مربع، يعنى 6% من مساحة مصر.. ملتزمين بتعمير سيناء، والأمن القومى لا يقدر بمال".