قال الفنان سيد رجب، العائلة الكبيرة هى الوطن وهى مصر، مضيفا : "العيلة هى الوطن وهى مصر وكل عيلة فيها كبير، كبير بحبه وعطفه وحكمته وخبرته وعلشان كده لازم نحترمه ونجله ونسمعه ونتعلم منه، وعندنا فى مصر بقى كتير، كل عيلة وكل نجع وقرية ومدينة فيها ناس كبار لازم يتحطوا على الراس من فوق".
وأضاف سيد رجب ، خلال كلمته فى احتفالية مصرنا التى ينظمها مجلس القبائل والعائلات المصرية، فى استاد القاهرة، : "كنت بفكر يعنى إيه بلدى، يعنى ايه وطن، مصر يعنى ايه، هل هى الحدود الجغرافية اللى كلنا عارفينها هلى هى نيلنا العظيم والمدن والمحافظات هل هى الأهرام وتاريخنا العريق؟".
وتابع قائلا : "صحيح مصر كل ده، بس أنا لما بسافر برة مصر، بشتاق لمصر، بشتاق لمين؟ لولادى؟ لمراتى واخواتى؟ لأصحابى وجيرانى؟ لعم سعيد صاحب الكشك؟ لزمايلى فى المسرح؟ لزمايلى وأنا بعمل أخر مسلسل عن الأسرة والعيلة؟ صح أنا بشتاق للعيلة بشتاق ليكم كلكم أهلى وناسى وسندى لما بكون محتاج للسند أكيد منكم اللى سافر برة مصر عاش التجربة دى لما شاف واحد مصرى زيه فى الغربة وحس إنه شاف مصر كلها".
وأضاف الفنان سيد رجب : "يمكن الأجيال الجديدة لسه متعرفش يعنى ايه عيلة بس لما يكبروا هيعرفوا يعنى العيلة هى الوطن وهى مصر وكل عيلة فيها كبير، كبير بحبه وعطفه وحكمته وخبرته وعلشان كده لازم نحترمه ونجله ونسمعه ونتعلم منه، وعندنا فى مصر بقى كتير، كل عيلة وكل نجع وقرية ومدينة فيها ناس كبار لازم يتحطوا على الراس من فوق".
وقدمت مجموعة من الفرق الاستعراضية بمختلف محافظات الجمهورية فقرات غنائية واستعراض بإحتفالية "شعب واحد.. وأيد واحدة.. ووطن واحد" التى ينظمها مجلس القبائل والعائلات المصرية، بمشاركة جميع أبناء وطوائف الشعب المصرى، باستاد القاهرة، من سيناء، أسوان، الإسكندرية، والصعيد، ووجه بحرى.
وتهدف المؤتمرات والاحتفالات التى يعقدها مجلس القبائل والعائلات المصرية إلى دعم الرئيس السيسي والدولة المصرية، خاصة فى ظل التحديات الإقليمية التى تواجه المنطقة، ووجود اضطرابات تهدد الأمن القومي المصري بشكل مباشر، وينظم اتحاد القبائل المصرية سلسلة مؤتمرات بدأها بمؤتمر حاشد في قنا وبعدها مؤتمر المنصورية بالجيزة وصولا إلى الاحتفالية المكررة عقدها اليوم.
