احنا بنلاعب نفسنا.. عمرو أديب: يا «تميم» شوف ناس محترفة بدل «المتهاكة»

عرض الإعلامى عمرو أديب ببرنامج الحكاية المذاع على قناة  mbc مصر تسريبات جديدة للمقاول المصرى محمد على مع هانى صبرى، وعرض خلال التسريبات دردشات بين الاثنين ومقاطع صوتية للتأمر على مصر.

 

وقال عمرو أديب خلال البرنامج إن جميع التيارات اتفقت أن تجعل المقاول الهارب أيقونة الثورة، يعنى ثورة 2011 كان وائل غنيم هو أيقونة الصورة شوفوا مستوانا نزل لإيه علشان يبقى محمد على هو أيقونة الثورة، هما دلوقتى قالولوا انت ما عرفتش تشتغل 20 سبتمبر تعالى نشتغل مع بعض يناير وديسمبر، حد حس بحاجة فى ديسمبر دلوقتى احنا فى يناير حد حس بحاجة، وهانى صبرى قاله لحد دلوقتى الشباب مش متفقين.

 

وأضاف عمرو اديب: محمد على قاله بالصلاة على النبى هانى صبرهم قالهم حددنا المعاد الساعة 4 العصر يوم 25 ديسمبر

 

قالهم أهم حاجة أمن الناس اللى نازلة، تعجبنى السكرتة بتاعتهم، محمد على قالهم أهم حاجة التوثيق والتصوير، الجزيرة ما عرفتش تجيب مظاهرة 30 ثانية ، هانى صبرى قالهم مش مهم التصوير والتوثيق، محمد على رجعلهم يوم 25 ديسمبر قاله وية واديك التمام ولحد دلوقتى مادلوش التمام ، هما كانوا عاوزين يعملوا 25 ديسمبر قبل 25 يناير،  اتحدى وده اللى بيعملوا محمد على وده نتيجة فشل ذريع للمعارضة فى الخارج، هو بيسأل فى الفيديوهين مين معاه السبوبة، هو طالع من مصر معاه مليون دولار هو فى حد قربله حد عطاه ظرف ، الناس دول مش بتوع ثورة دول بيدوروا على زعامة على جثث الناس، تعالى انت انزل فى ميدان التحرير ، ليه مش بتنزلوا عيالكم واخدينهم معاكم تركيا وقطر، ليه مش بتنزلوا تقودوا الثورة ، خناقتكم مش معايا خناقتكم مع محمد على مه هانى صبرى، بيقولوا الفلوس بتاع الشعب فين ، الشعب فعلا فقير انتوا اللى معاكم الفلوس ، ربنا قادر وعاوز يفضحهم ربنا لو بيحب الناس دى كان نصرهم.

 

وتابع:  انا عاوز حق البلد عاوز حق مصر فى ناس فى 4 شهور يعملوا ثورتين احنا ما شوفنهاش أكيد بيقبضوا عليها فلوس من قطر مش فاهم ايه العته ده بتاع القطريين  ، يا تميم الناس دى متهاكة فى كل المواقع خلاص هات طاقم جديد هات ناس محترفة فى مجال الإعلام.