اتبع شغفك على طريقة آية رمضان.. عشقت الرسومات فأصبحت مصممة جداريات (صور)

"اتبع شغفك" جملة أمنت بيها وسارت خلفها أية رمضان طالبة الفنون التطبيقية فمنذ نعومة اظافرها وبدأت ايديها تلتقط الاقلام لتخط رسوماتها علي كرسات الرسوم والألوان التي اهدها أيها والدها لتبدأ ملامح موهبتها في الظهور ، واستخدمت قشر البيض والرمل في الرسم علي الالواح.

 

تقول آية والدي هو أدنى حد دعمني ووقف جنبي كان نفسي ادخل كلية فنون تطبيقية ولكن مجموع الثانوية العامة خذلني هو التنسيق وجاتلي كلية تجارة، ورغم عدم تقبلي للفكرة والدراسة الأكاديمية البحتة لكن زي اي طالب رضيت بالنصيب والحمد لله.

 

تضيف آية قائلة:" بعد تقديم اوراقي في الكلية اتفاجأ بوالدي أنه قدم أوراق في كلية فنون تطبيقية خاصة ورغم أن المصاريف كتير قوي بس بابا كان وأمن بموهبتي وبيدعمني واكتر حد بيشجعني، المهم أني قررت من جوايا أني مش هخذله أنجح في دراستي وجبت في الثلاث سنين تقدير امتياز واخر سنة جيد جداواترجت في 2017 وارشحت اكون معيدة في الكلية بس حسيت أن مش هو دا هدفي ولا الحاجة اللي هحس فيها بشغفي، وبعد مشاورات مع والدي رفضت المنصب الاكاديمي".

 

وتستكمل آية :" وانا في الكلية بدأت اشتغل علي نفسي واخدت كورسات لتطوير موهبتي في رسم الجداريات وبعدها نزلت تدريب مع مهندس علي الشغل العملي، وبعدها بفترة طلبت صحبتي أني ارسملها صورة في اوضتها، تجربتها جدا، وعملت صفحة ليا علي السوشيال ميديا ونزلت عليها شغلي وبدأت اتعرف بين اصحابي الناس وجاتلي طلبات كتير برسم الحو ائط في البيوت والكافيهات  ورغم اعتراض والدي فى الأول إنها تروح بيوت ترسم فيها لكن بعد شوية إقتنع ومساندة منه وافق وبدأ يتابع معايا ويعرف المكان الموجودة فيه.

 

وتستطرد قائلة بعد ما اتعرف شغلي عملت فريق من اربع  بنات وولد وبدانا ننزل شغلي جماعي  أكبر ومن ابرز اعمالي ايجيبت فودز ومكس جيم مينا سمير وكافيهات كتير وحلمي أن يكون عندي جاليري اعرض فيه كل اعمالي.

 

واختتمت آية حديثها قائلة:" امشي ورا شغفك واعمل الحاجة اللي بتحبها وياريت كل البنات تشتغل وتعمل الحاجة اللي بيحبوها طالما في حدود الدين وتربيتها واخلاقها ومساندة اهلها طالما مش هتعمل حاجة عيب 

  عن الحب في حياتها قالت أن خطيبها "أحمد" خريج كلية التجارة ورغم أن مجال عمله مختلف عنها ولكنه كان السند ليها ودائما بيدعمها أنها تعمل الحاجات اللي بتحبها ولما حماسها يقل  شوية أو بيحس أنها محتاجة دعمه مش بيتأخر عنها ودائما وراها.