يا معترضين كنتوا فين من أزمات مصر.. برلمانية: يُشرفني تعديل الدستور من أجل «السيسي»

أنتقدت النائبة آمال طرابية عضو مجلس النواب عن محافظة الدقهلية، محاولات بعض النواب تجنب الحديث عن تعديل الدستور من أجل الرئيس عبدالفتاح السيسي، قائلة: «يشرفني أعدل الدستور عشان الرئيس عبدالفتاح السيسي، عشان مصر». جاء ذلك خلال الجلسة العامة الثالثة، (الأربعاء)، لمناقشة تعديلات الدستور التي تقدم بها ائتلاف الأغلبية البرلمانية «دعم مصر».

 

وهاجمت المنتقدين للتعديلات، قائلة: «جاين دلوقتي تعترضوا على التعديلات، كانتوا فين أزمة الكهرباء، وكنتوا فين أيام أزمة البنزين وكانت أفضل هدية وقتها أن حد يدي هدية لحد تانى جركن بنزين لعربيته، كنتوا فين من طوابير رغيف العيش، الناس اللى بتتكلم عن الحرية وعن حقوق الإنسان، بقول لهم أن حل كل هذه الأزمات هي دي حقوق الإنسان وهي دي الحرية».

 

وتابعت آمال طرابية: «أنا حقي كشعب أعيش، من حقي أعيش واختار من يمثلني، من حقي يبقي عندي بطل وزعيم زى الرئيس السيسي، لأنه الراجل الوحيد اللي عمل لربنا وللناس ومبصش لشعبيه، وأقول كلمة أمام ربي مش مجاملة للرئيس السيسي، أوافق على تعديل الدستور من أجل مصر».