سر طلاق المصريين وحضارة الـ7 آلاف عام بين «كيد الحموات» و «غسل المواعين»

لكن الغريب والشائع هذه الأيام ليس تزايد نسب الطلاق فحسب، بل إن الأسباب التى يحدث بسببها الانفصال فى غاية التفاهة أو تكاد تكون لا يصدقها عقل، وهذا بسبب تدخل الأهل فى كل كبيرة وصغيرة، وبسبب التوقعات الخيالية من كلا الزوجين وتصورهم أن الزواج عبارة عن فيلم من أفلام ديزنى الرومانسية.

 

لذلك سألنا بعض الناس عما هى أغرب أسباب الطلاق؟ وكانت الإجابات غريبة أو تكاد لا تصدق، لكنها حدثت بالفعل، ومن أبرز الأسباب الغريبة: مها فتحى تروى سبب طلاقها: «أنا طلاقي بسبب إننا كنا متخاصمين، وحد من أهلي أدخل وصالحنا، فمامته زعلت إنه استجاب لحد من عندى وولعتها حريقة».

 

أسماء خالد كان سبب طلاقها يدعو للاستفزاز وتروى التفاصيل: «أنا عشان خالي مات وغصب عليا في يوم الدفنة إني أروح سبوع ابن أخوه وروحته، وهناك أخته بتقولى البقاء لله، رديت عليها ونعم بالله من غير نفس، أصل ده شيء طبيعى جاية من المقابر وخالي متوفي، راحت أخته قومت الدنيا عليا عشان إزاي أرد على حضرتها بالطريقة دي، واطلقت في ساعتها».

 

أما سبب طلاق منة محسن فيدعو للضحك والغضب في ذات الوقت، وتروى منة حكايتها وتقول: «عشان وأنا بولد كنت عايزة اتنقل من الأوضة المشتركة لأوضة لوحدي، وكان الفرق ما بينهم 50 جنيها راح متخانق مع الدكتورة وسابني في المستشفى ومشي، وبعتلي ورقة طلاقي».

 

أما جبروت الحموات الذي لا يزال يتجسد في الأفلام والمسلسلات بطريقة كوميدية، بكل أسف هو حقيقة واقعية، ويبدو ذلك واضحا من قصة «خ.أ» وتروي التفاصيل: «أنا كان سبب طلاقي إن جوزي كان ابن أمه بس مكنتش أتوقع إنى هطلق للسبب ده، مرة حماتي جات عندنا البيت ولقيت طربيزة السفرة مش مترتبة وده عشان أولادي لسه صغيرين وبيحطوا لعبهم عليها، راحت اتصلت بجوزى وقلتله تيجى حالا عشان تطلق الست المهملة اللي أنت متجوزها، وبالفعل ده اللي حصل».

 

وكوب ماء كان السبب وراء طلاق نهاد سيد، فتقول إن زوجها وجد كوب مياه غير نظيف في المطبخ، الأمر الذي دفعه للخناق والشباك معها الذي انتهى بهما إلى الطلاق.