هل نضع قانونا لتنظيم النسل وضبط الانفلات السكاني؟.. السيسي: البلاد بتتبني بالأسية

قال الرئيس عبد الفتاح السيسي، إننا نحتاج للعمل والتطوير والمبادرات والأفكار حتى يبرز اسم مصر بين 180 دولة في أنحاء العالم، مشيرا إلى الاحتياج المالي الضخم للعملية التعليمية.

 

وأضاف الرئيس السيسي، خلال تعقيبه على النقاش الذي شهدته ندوة «تمكين الأشخاص ذوي الإعاقة نحو عالم متكامل» ضمن فعاليات منتدى شباب العالم بشرم الشيخ في يومه الثالث، أن وزير التربية والتعليم الدكتور طارق شوقي حدّثه عن 250 ألف فصل وطلب مقابلهم 130 مليار جنيه، متابعا: «أنا عايز 250 ألف فصل علشان أغطي احتياجاتا الدولة المصرية بـ130 مليار جنيه، ده تحدي كبير، لكن اللي أكبر منه إزاي عملية التشغيل هتتم».

 

ولفت السيسي في حديثه، إلى أن التحدي يجب إكماله للنهاية، ويجب حل القضية بشكل جاد، مستطردا: «لازم الحكومة وكلنا معاها نشوف حل ونعمل الـ250 ألف فصل، طيب والـ130 مليار جنيه يا دكتور، طيب والحل، أقول الصعب؟ اخصموا من كل الوزارات، لو عايزين تبنوا بلدكم».

 

ووجه الرئيس رسالة للحضور والمواطنين، بالقول: «خلوا بالكم من بلادكم، البلاد ما بتتبنيش كده، البلاد بتتبني بالأسية، مفيش حد خد شهادة من بلد فيها معايير التقييم فيها قدر من التجرد من غير ما يتعب. أقول تاني، الوزير عايز 250 ألف فصل علشان نوصل لكثافة 40 طالب في الفصل، ده تحدي حالي علشان الأوضاع، لكن هندخل في التحدي القادم، كل سنة عندنا 700 ألف تلميذ عايزين أماكن. حد بيعدي على أخوه أو جاره ويقول له انت عندك كام طفل؟ كفاية كده؟ حد بيقترح قانون علشان نحلّ ده؟ طيب إحنا هنعمل ده إزاي إذا كنا عايزين نخلّي مصر أكثر تقدّمًا وازدهارًا، حدّ يقول لي إزاي أعمل ده إزاي».