بعد أن أشبعها ضرباً.. شاب يربط فتاة في تروسيكل وينطلق بها لمكان مجهول ببورسعيد (صورة)

تداول رواد مواقع التواصل الاجتماعي عبر صفحاتهم صورة لفتاة تم ربطها فوق تروسيكل، ويقف بجانبها عدد من الشباب، بعد أن أشبعها أحدهم ضرباً وركلاً، وتظهر عليها علامات الضرب والخوف أيضا.

شهود العيان أكدوا أن المارة حاولوا التدخل  لتخليص الفتاة من يدي الشاب الذي ربطها ولكنهم فشلوا في ذلك، وأخبرهم الشاب أنه سيذهب بها إلى قسم الشرطة، وقال رواد «فيسبوك» : «ده حصل من ساعتين في مجمع المطاعم شارع البحر في محافظة بور سعيد، والبنت المربوطة دي تعتبر طفلة سنّها حوالي ١٢ سنة».

الفتاة بعد فشل تخليصها من الشاب بعد تكبيل يديها فى التروسيل 

وتابعوا قائلين: «اللي رابطها في التروسيكل بتاعه، يبقى صاحب مطعم الجمل في نفس المجمع، وحسب رواية الناس اللي حاولوا يخلصوا البنت ويفكوها لكن مقدروش من شراسة وجبروت الراجل أو استجبنوا بمعنى أصح، إن البنت دي كانت بتلعب مع صاحبتها أمام محل الباشا  وحدفتها بإزازة مية فجت في صاحبنا المصون، قوم أيه الباشا وجعته كرامته أوي وسحب البنت من شعرها وهات يا ضرب وشلاليت وبوكسات، ولما الناس حاولوا يقنعوه يسيبها، قال إنه واخدها على القسم».

الفتاة فى التروسيل مقيدة اليدين

وأنهى رواد فيسبوك وصفهم للموقف: «والحقيقة الراجل مدخلش بيها أي قسم، وده اتعرف بعد ما الناس دوروا عليهم في كل أقسام شرطة محافظة بور سعيد، واختفى صاحبنا بالبنت  اللي الله أعلم كان رابطها وساحبها وواخدها على فين»

وحتى وقتنا هذا لم تصدر أي جمعية حقوقية مهتمة بالدفاع عن الأطفال أي بيان للتضامن والبحث عن الطفلة التي تم اقتيادها إلى مكان مجهول حتى الآن.