بل ريقك الحلقة 15.. واهب الحصاد (فيديو)

الفجور والتقوى جت في القرآن بصيغة الإلهام ونفس وماسواها فألهمها فجورها وتقواها. أي حصاد في الدنيا كان وراه مجموعة من الأسباب فاتبع سببا ولأن ربنا هو خالق السبب زي ماهو واهب الحصاد ممكن يرزقك من حيث لا تحتسب وممكن تؤتي كل الأسباب وتتجلي حكمته في المنع.

لو هنربي فامش هنربي أحسن م الأنبيا ومع ذلك نوح دخل في سفينته بني أدمين وحيوانات وأبنه مادخلش لا في دينه ولا في سفنته . يعقوب عليه السلام كان عنده 12 ولد 11 منهم اتربو في كنفه الوحيد  اللي اتربي في مصر وقت ماكان فيها لكل مناسبة اله.. اله الشمس واله القمر واله الحرب واله الخصوبة واله الحصاد، هو اللي ورث النبوه في الوقت الي كان فيه أخوات يوسف بيقولو لابوهم النبي انك لفي ضلالك القديم... يونس كان عنده كل أسباب الهلاك في بطن الحوت وربنا كتبله النجاة فنجا. زكريا ماكنش عنده سبب للأنجاب وربنا وهبله يحي.. السعي ورا الأسباب طاعة بس الثقة في السبب شرك أزرع وأستودع زرعتك خالقها  وادعي انه زي ماوهبلك القدرة علي أتيان السبب يوهبلك الحصاد.