«لو بطلنا نحلم نموت»..«هبه» رغم الإعاقة: «جوزى شايفنى أحسن ست فى الدنيا»
الإثنين، 28 مايو 2018 05:00 م
الواقع والحقيقة يؤكدان تعدد الصور المشرقة لذوى الحاجات الخاصة فى مصر ومن بينهم شباب لفت الأنظار إليه لتعبيره عن احتياجات ذوى الاحتياجات الخاصة على مستوى محافظات الجمهورية، ومطالباته الملحة على مستوى الجمهورية بالاهتمام بذوى الاحتياجات، مشيدا بقرار الرئيس عبد الفتاح السيسى باعتبار عام 2018م عام ذوى الاحتياجات الخاصة.
اقرأ أيضا: «لو بطلنا نحلم نموت».. عضو الجمعية الدولية لمتحدي الإعاقة: «أمي شالتني على كتفها»
ضمن هذه النماذج الدكتورة هبه محمد عبد الغني حاصلة علي درجة الدكتوراه في الكيمياء الفيزيائية، والتى تعمل أخصائي كيميائي بالمعمل المشترك بدمياط، حيث أكدت أن إعاقتها «عيب خلقى» عبارة عن بتر فوق الركبة في الرجل اليمني مع فقدان بعض الأصابع في اليدين واعوجاج في العمود الفقري.
وتروى «هبه» معاناتها منذ الطفولة لـ«صوت الأمة»، حيث قالت: « حكايتي بدأت عند أهلي أنا أول فرحتهم إنهم يتحملوا الصدمة، ويبدأوا في بناء شخصية قوية سوية مليئة بالإيمان والتحدي هذا هو التحدي انك تقنع طفله أنها مثل باقي الأطفال ليس لديها مشكلة عنده»، ورددت قائلة: « وإن لما حد يقولها أنتي ماشيه كدا ليه يبقي هو اللي عنده المشكلة انه مش عارف إن دا خلقه ربنا هو دا التحدي لما المس في الحضانة تقول حطوا إيدكوا ارسموا عليها أمي تقولي ارسمي ايدك زي ما هي هي دي ايد هبه اللي ربنا ميزها عن غيرها».
اقرأ أيضا: رحلة كفاح.. حنان رغم الإصابة: أول من ساهم فى مناقشة وضع المعاقين بالدستور المصري
تضيف «هبه»: «أمى علمتني ابقي مميزة في كل حاجه بدل ما ابقي مميزة بشكلي بس ابقي مميزة بتفوقي ولباقتي ومن هنا بدأ المشوار لازم هبه تبقي مش زي اي حد بابا كان ديما يناديني الدكتورة هبه والحمد لله بقيت الدكتورة هبه بفضل الله ثم ابويا وامي» .
وتابعت «الدكتور هبه»: « مش كدا وبس الحمد لله ربنا كرمني بزوج مش شايف فيا غير الحاجات الحلوة بس شايفني أحسن ست في الكون وبقدرة الله رزقت بأحلى وأجمل ولد وبنت في الدنيا عبد الرحمن ومريم يارب اقدر أوصلهم للي أبويا وأمي وصلوني ليه» .
اقرأ أيضا: قصة كفاح.. سامية أبو ضيف: «إعاقتي سر نجاحي»
الخلاصة-على حد تعبير «هبه»: «مفيش مستحيل المستحيل إحنا اللي بنبنيه جوانا ربنا قادر يخلقنا كلنا من غير إعاقات ولكن عشان لما تشوف قدرته في حد عنده اعاقه تقول سبحان الله وتتأكد إن مفيش حاجه صعبه عليك وانك بشويه اصرار وعزيمه تقدر تحقق كل اللي بتتمناه، سر السعادة الرضا وتقبل اختلاف الاخر»، وفى الأخير رددت قائلة: «بإرادتي سأتحدى إعاقتي» .
قصة كفاح.. «يوسف» من الإصابة في سن 9 أشهر للمشاركة في وضع قانون المجلس القومي للإعاقة
