بالفيديو.. عمرو أديب لـ«عكاشة»: "كفاية عته"

علق الإعلامي عمرو أديب، على حديث الإعلامي توفيق عكاشة وعضو مجلس النواب مع الإعلامى يوسف الحسينى امس فى برنامج "السادة المحترمون"، مؤكدًا أنه: «محدش اتدلع من الأجهزة السيادية في مصر زي توفيق عكاشة».

وأضاف «أديب»، خلال برنامج «القاهرة اليوم»، المذاع على فضائية «اليوم»، مساء الإثنين قائلًا:(هو ولا دكتور ولا حاجة وما يعرفش كلمتين إنجليزي، ويوم لما جت العيال بتوع خيرت الشاطر ياخدوه من مدينة الإنتاج، راح جهاز سيادي شفطه هو وحياة الدرديري واتحطوا في مكان آمن لمدة أسبوعين، وبالرغم من كل دا سب وزير الداخلية ورئيس الدولة ورئيس المخابرات، ولكن في كل مرة يتم التسامح معاه).

وتابع"اديب": (أنتم متخيلين إن أنا أقدر أعمل اللى عمله توفيق عكاشة؟ أو أتكلم ربع اللى اتكمله عكاشة والبلد كلها بتصدقه؟، النهارده كل أصدقائه باعوه، والدولة قررت توقيفه برنامجه علشان تقوله كخ يا شاطر ماينفعش تهزر معايا).


مضيفا:(زهقنا من هبل وعته وكلام توفيق عكاشة، أي عيل في 6 إبريل برقبته، لما أجهزة الدولة تبقى حلوة معاه يبقى حلو معاها، ولما تبقى منيلة وما بيسمعوش الكلام وما بيعملوش اللى عاوزه يبقى وحش).