بتأثير "هاللو".. إزاى تخطفي قلب الكراش في 6 خطوات

فكرت في يوم من الأيام إزاي تقدر تجذب أو تأثر على شخص في حياتك؟، مش بنتكلم عن قانون «الجذب»، لكن هنتكلم عن« Hallo Effet أو تأثير هاللو»، ودا تكتيك سيكولوجي سهل وفعال، لأنه موجود في كل حاجة في حياتنا.

يعني أيه تأثير هاللو

ببساطه هو إن الناس بتفترض إن الأشخاص إللي شكلهم حلو، بالضرورة لازم تكون سماتهم الشخصية حلوة هي كمان، بمعنى إن الوسامة أو جمال المظهر بيساوي سمات شخصية جيدة، واتعملت عليه تجارب سيكولوجية كتير، الخبراء تأكدوا منه، ومن هنا جاء إسمه «هاللو» .

الباحثين في دراسة تأثير «هاللو»، وجدوا إن الأشخاص الوسيمين أو البنات الجميلة بتلاقي مساعدة أكبر، والمضحك كمان إن الدراسة وجدت إن الأشخاص الجذابين بتبقى فرصهم في العقاب أكبر من الأشخاص الغير جذابة، بمعنى إنه لو في عقاب جماعي مثلا في مدرسة  طالما وسامتك بزيادة يبقى فرصة إنك تتعاقب أكتر تزيد هي كمان .

 العقل الباطن للرجال  

ليه البنات بتكون أقل ثقة في أنوثتها أمام الرجل الوسيم؟ ليه البنات بتخاف من إنها تحاول تتكلم طبيعي أمام رجل معجبة بيه؟ ببساطة الإجابة على الأسئلة دي هو «تأثير هاللو».

الدراسات وجدت إن العقل الباطن للبنت بيفترض إن طالما الرجل وسيم، فبالتالي هيكون ذكي وناجح في عمله، وحالته المادية أكيد جيدة، كمان لازم يكون عنده معايير عالية في البنات، فبالتالي البنت بتشوف نفسها أقل أنوثة، ودا السبب اللي بيخليها أمامه عندها« approach anxiety  أو اضطراب التقرب»، ومعناها إنك لما تبقى أمام الــ«كراش» تعرق وتهته وتتلغبط.

علاج المشكلة دي يكمن ببساطة في كيفية تعلم إزاي تكوني جذابة ««attractiveness، لأن الرجل يتأثر بالجاذبية أو الأنثوية وليس السمات الجسدية ، فغالبا الرجال قبل سن الــ30 لا يمتلكون سمات جسدية ثابتة، لكنهم بيتأثروا جدا بالسلوك الأنثوي والجاذبية الأنثوية .

 

إزاي تكوني جذابة ؟ وإزاي تستخدمي تأثير هاللو ؟

موضوع جذابه محتاج انك يكون ليكى علاقات ببنات بتعرف ازاى تكون ’ جذابه ’

البحثين آجرو دراسة، وجدوا فيها إن البنات إلي عندهم أصدقاء جذابين، فراصهم بتكون أعلى في إنهم يظهروا بمظهر جذاب، كمان الدراسة أكدت إن إحساسهم بالسعادة بيكون أعلى، بالإضافة إن دخلهم المادي بيكون أعلى.

الدراسة نصحت بتطبيق بعض الخطوات للمساعدة في الظهور بالمظهر الجذاب، ومنها:

 

الاهتمام بالشكل

الدراسة نصحت البنات بالاهتمام بـ«ستايل» الملابس والقدرة على اختيار موديلات بسيطة وشيك في نفس الوقت، وكذلك اختيار الوان مكياج متناسقة وتعتمد على البساطة وعدم التكلف، والآلوان الملائمة للمناسبة ومنها مكياج الصباح والعمل، والنادي والسهرة.

 

الاهتمام بالسوشيال ميديا

الرجال تفضل «الغموض أو guess what »، ودي دراسة كشفت إن 97% من الرجال تتأثر بالمثيرات البصرية قبل معرفة الشخصية على حقيقتها، بمعنى إنهم بينجذبوا للشكل والجمال، وبيقرروا الارتباط بهم قبل ما يتعرفوا على شخصياتهم.

خليكي غامضة

أظهري نفسك بمظهر أنثوي بما يتناسب مع معتقداتك أو ستايل حياتك، لكن من خلال الاهتمام ببعض الإضافات البسيطة مثل زاوية تصوير تظهرك أكثر غموض أو جمال، وكتابة بعض الجمل على الصور، مثل « ضحكتي زي نور الشمس في صباح مشبع بقطرات الندى فوق جبل جليدي»، ودا المقصود حرفيا من تأثير هاللو، لأن ساعتها الرجل سيتخيل إنك فتاة عميقة، ودا سيثير حاسة فضوله وسيدفعه إنه يكتشفه.

إذا كنتي تجيدي لغة أخرى، ممكن تستخدمي بعض الكلمات منها، لأن دا بيكون شئ جاذب للرجال.

شخصية الكراش

إدرسي شخصية الرجل أو الـ«الكراش» كويس، وتعرفي اهتمامته ومعتقداته، الأشياء اللي بيحبها أو بيكرهها، وتعرفي على شخصيته، فإذا كان شخص نرجسي، امدحيه كتير، وإذا كان انطوائي إعطيه شئ من الدفء والآمان والدعم، أما إذا كان زير نساء، فالدراسة نصحت بالابتعاد عن هذا الشخص، لأنه شخصية نرجسية سيكوباتية، وصاحب هذه الشخصية هو اللي  بيحدد حركاته، كمان دراسة «تأثير هاللو» كشفت إن الأشخاص بتنجذب أكثر ناحية المشابهين لهم في إسلوب الحياة والاهتمامات والقناعات .

انتصار وهمي

افتعلي مشكله، لآن الرجال دائما عندهم نزعة السيطرة، والرجل يزيد إحساسه برجولته، لما بيشعر إنه مسيطر على شخص أو حيوان أو أي شئ في حياته، وبعد افتعالك لمشكلة مع هذا الرجل، سبيه ينتصر لكن بصعوبة، لأن دا هيشعره بلذة الانتصار الوهمي اللي هو محتاج يشعر بيه.

غسيل المخ

 بعد نتهاء المشكلة اللي افتعلتيها أو أي كان نوع النقاش بينكم، إبدئي تعملي للكراش غسيل مخ بسيط، من خلال تكرار بعض الجمل له ليقتنع بها، فمثلا إذا كنتي مش على قدر كافي من الجمال، استخدمي جملة «أنا عجبني فيك إنك بتقدر الجمال الحقيقي في الجنس الأخر»، أو إذا كنتي قصيرة، استخدمي جملة « الرجل الحقيقي هو ألي بيشوف البنت القصيرة فائقة الجمال لأن دا بيقيس مستويات هرمونات الذكورة عنده»، وبالطريقة دي هيتوجه مخ الرجل لا إراديا  إنه يحب البنت القصيرة، وإذا كان الرجل يهتم بالحياة المادية، اجعلي جملك في محور توفير الفلوس أو الذكاء المالي.

إذا كنتم زملاء في العمل مثلا، أكتبي على لوحة وعلقيها على مكتبك مكتوب عليها مثلا جملة « نهى الجميلة»، وإذا سألك عنها، قولي إنها هدية من أصدقائك، وبالطريقة دي الجملة هتكون دائما في نطاق رؤيته وهتدخل في عقله الواعي، وبالتالي تتحفظ في عقله، ودا بيسمى «subliminal message أو رسائل لا ادراكية»، وهي عبارة عن رسالة تدخل العقل الباطن وتسيطر عليه بدون ما العقل الواعي يشعر بوجودها، فتكرار جمل بالتدريج هتوجه عقله الباطن إنه يشوف ألي إنتى عايزاه يشوفه تدريجيا .