الشاهد في قضية هروب متهمي كتائب حلوان يتعرف عليهم

انتقل سيد إبراهيم الشاهد الرئيسى بقضية هروب متهمى كتائب حلوان الإرهابية، أثناء عودتهم من مقر محاكمتهم بأكاديمية الشرطة، إلى مقر محبسهم بسجن شديد الحراسة، بصحبة أحد أعضاء نيابة حوادث جنوب القاهرة، للتعرف على المتهمين الذين اعتدوا على ضابط الترحيلات،وحاولوا الحصول على سلاحه الميرى ليتمكنوا من الهرب.

وأمام النيابة العامة تم عمل العرض القانونى للمتهمين،وتمكن الشاهد من التعرف على المتهم محمد عبد الوهاب ، وكذلك متهم آخر أصيب أثناء الواقعة .

وكان قد روى سيد شهادته عن الواقعة قائلا: يوم الواقعة كنت نازل من على الدائرى نزلة صقر قريش، وأثناء ذلك سمعت صوت ضرب نار، فتخيلت أنه فرح وفيه ضرب شماريخ أو صواريخ، وتابع: مفيش دقيقة وجدت مجموعة الأشخاص بيجروا من عند الجنينة، من الجهة المقابلة وفى ناس بتجرى وراهم، وفى ضرب نار وفى ميكروباص واقف، والناس اللى لابسين أبيض دول حاول الاستيلاء على الميكروباص لكن معرفوش تقريبا سائق الميكروباص هرب منهم.

وأضاف قائلا: لقيت واحد منهم جاى من ناحيتى فرحت مقابله، فقال لى ما تضربنيش فضربته فى بطنه وعلى دماغه فوقع فناديت على أمين شرطة كان قريب منى وسلمتهوله، وبعدين شفت الضابط اللى بيجرى وراهم على أول الجنينة، وكان معاه واحد منهم، وبيعافر مع الضابط علشان ياخد السلاح بتاعه وهما بيعافروا مع بعض طلعت طلقة فى الارض، فالناس الموجودة خافت وجريت بعيد ومحدش تدخل خالص.