السيسي: لهذا السبب لم يشعر المصريون بقرار التعويم

أوضح رئيس الجمهورية عبد الفتاح السيسي وجود لجنة تعمل منذ 3 سنوات لعملية الشراء المجمع، وأن هذه العملية لشراء المستلزمات والأجهزة المطلوبة فى مصر لم يشعرنا بقرار التعويم، مضيفا: "كنا حريصين على أن نعمل بشكل كبير فى الأدوية وقلنا دخلوا معاكم المستشفيات الجامعية وأيضا الخاصة عشان اللى بنعمله ده موضوع مش أعجوبة وكل الدنيا المتقدمة بتشترى مستلزماتها عشان تستفيد من الشراء المجمع وتحصل على أفضل العروض بدل ما كل واحد ينزل يشترى لوحده بتكلفة أعلى".

وقال الرئيس عبد الفتاح السيسى، فى كلمة خلال افتتاح عدد من المشروعات بالصعيد، إن الشراء المجمع سيعود بالنفع على البلد وخدمة على المواطن، متابعا: "عملية الشراء المجمع الموضوع معمول لصالح الناس ومحدش يبص له بحساسية وما تحقق فيه رغم التعويم ثبت الأسعار" موجها كلامه للمصريين "فى حاجات كتير لو نعملها ونحط إيدينا فى إيد بعض فيها هنقدر نسيطر ونأخذ الخدمة بالتكلفة المناسبة دون مبالغة".