عمرو أديب عن إقامة معرض "عقارات النيل" المصري في أبو ظبي: مبسوط جدا (فيديو)

أعرب الإعلامي عمرو أديب عن سعادته البالغة بإقامة معرض للمطورين العقاريين المصريين تحت اسم "عقارات النيل"،  بمدينة أبو ظبى فى الفترة من 14 إلى 16 ديسمبر بأرض المعارض الوطنية، مضيفًا: " دلوقتي فيه إعلان اسمه مصر بتقربلك بنشوفه فى شوارع الإمارات، وأحب أشوف اسم مصر بره محطوط على تاكسيات وفى شوارع".

وقال عمرو أديب خلال برنامج "كل يوم" على قناة  ON E، "انبسطت جدا لأن إخوانا فى دولة الإمارات بيجوا يبيعولنا شقة عندهم، دلوقتي إحنا بنبعلهم".

وتابع أديب: سعر المتر في العاصمة الإدارية زاد من 2500 الى 3500 جنيه يعنى زيادة ألف جنيه في المتر، والعقار والأرض في مصر "ذهب"، مشيرًا إلى انه يفضل الاستثمار في العقار قائلا: العقار مضمون ووسيلة لتراكم الفلوس ومش سهل بيعه، ولو عندك فلوس ممكن تصرفها لكن لو عندك عقار مش ممكن تبيع الحمام أو أوضة النوم ولازم تبيع كله بتاخد وقت، عندنا في مصر العقارات بقى فيه إتقان اكتر في البناء والتشطيب ولا زالت مصر هى أرخص الأسعار في المنطقة".