طارق شوقي: نظام التعليم الحالي بيبوظ العيال

قام الدكتور طارق شوقي، وزير التربية والتعليم، بتشخيص حالة التعليم فى مصر، قائلا: "أما بروح أخد صنعة ببص على الصنايعي بمعنى لما تروح تشترى بدلة بتبص على الترزي، كذلك التعليم مع شركاؤنا المحليين والأجانب، نهتم الصنايعي".

 

وأضاف الوزير خلال اجتماع لجنة التعليم بمجلس النواب، منذ قليل، أننا ممكن نتعلم والتغيير مش حاجة تخوف، وعلينا نعرف أن أمثال ليناردو دا فنشي وابن سينا لم بتلقوا التعليم في مدرسة لأنها ابتكار حديث، ومع ذلك كلهم لهم إنجازات في الفن والعلوم والطب، وهو بمقاييس اليوم علمى وأدبي وفقا لتخصصات نظام الثانوية العامة.

 

وتابع: "محدش قالهم ده علمي وأدبي، في مفاهيم احنا صنعناها بهدف التخديم علي ثورة صناعية". وأكد وزير التعليم على أن نظام التعليم الحالي بيبوظ العيال في التعليم العام والفنى، ده كان كويس في الخمسينات لكنه مش كويس دلوقتي.

 

وإضاف: "العيان من كتر ما اتعمل فيه من قص ولزق مبقاش ناقص، بقت العمارة نصها شغال ونصها قايل للسقوط، وأصبح نفسنا نبنى عمارة جديدة زي العاصمة الادارية الجديدة لان القاهرة الحالية أصبحت عمارة خضرا وعمارة حمرا وشوارع وحوارى ومجارى".