تامر حسني: "إني اضحك الزعيم يبقى أنا مش سهل.. ولامؤاخذة"

نشر النجم تامر حسني عبر حسابه الشخصي بموقع تبادل الصور والفيديوهات، "انستجرام" صورة له تجمعه بالزعيم عادل إمام.

وعلق تامر حسني علي الصورة قائلا: "إني أضحك الزعيم بالشكل ده يبقى أنا مش سهل ولامؤاخذة، حبيبي يا زعيم يارب دايماً فرحان كده مفيش أي سبب لنزول الصورة غير أني شفتها بالصدفة".

وأضاف: "وافتكرت يوم ماشوفت الأستاذ عادل وانا لسه في أول طريقي وطبعاً مكنتش مصدق أني واقف معاه من كتر ما بحبه، وقالي افتكر كلامي كويس يا تامر أنا بحبك وهتنجح وهتوصل لأحلامك والصورة دي وأنا في نص مشواري وكانت في فرح بغني فيه وكان فيه فنانين كتير محدش فيهم قام يسلم أو يفرح معانا إلا هو الوحيد اللي قام، وجالي وفضل يهزر معايا وأهزر معاه".

وتابع: "بصراحة فرحت عشان عرفت أضحكه بالشكل ده ومال عليا كده وقالي فاكر كلامي وحضني زي ابنه حسيت بس أني عايز أقولكم إني بحبه جداً".