بعد افتتاحه بشهور.. الموت يسكن طريق طنطا الدولي.. "مافيش" عواميد إنارة
الأحد، 01 أكتوبر 2017 02:58 م
طريق مظلم
الغربية - شيماء النقباسي
بعد شهور قليلة من افتتاحه رسميا بحضور الرئيس عبدالفتاح السيسي، أصبح الطريق الدولي طريق طنطا كفر الشيخ، طريقا للموت، حيث أصبحت حياة المواطنين بلا ثمن، وأصبحت دمائهم أرخص من عمود إنارة ينير الطريق أو ثمن أسفلت يُمهد لتسير السيارات، ولا يتحرك المسئول إلا بعد كارثة عظمى.
افتتح الرئيس عبد الفتاح السيسي، الطريق من خلال الفيديو كونفرانس، بتكلفة وصلت إلى 600 مليون جنيه، قبل تحرير سعر الصرف، ليخدم النقل الثقيل ويقلل الحوادث، فأصبح من أكثر الطرق في معدل الحوادث يوميا.
قال "حسين عبدالغني " سائق نقل ثقيل:"مش عارفين نلاقيها منين ولا منين، بالنهار حوادث بسبب تهالك الطريق في بعض الأماكن رغم أنه لسه جديد، ولا بالليل لأنه بيبقى ضلمة جدا، والكل مولع النور العالي علشان يشوف يمشي ودا بيسبب الحوادث ومحدش من المسئولين بيسأل من يوم ما اتعمل لحد الآن".
من جانبه قال "مصطفى شلبي"، سائق سيارة نصف نقل:" أنا بسافر على الخط دا كل يوم لأني بنقل سمك من كفر الشيخ لطنطا وكل يوم أقول دا آخر يوم في حياتي من كتر الحوادث اللي بشوفها على الطريق".
وأضافت "أشجان محمد"، وتعمل بإحدى الشركات بطنطا وتقيم بكفر الشيخ، صاحبة سيارة ملاكي:" أنا مش ممكن أمشي من الطريق دا أخاف لأنه في الليل يصبح مظلم ورغم إنه أقصر إلا أنني لا أسلكه، وحرام الفلوس اللي اتصرفت دي كلها ومنكملش الإنارة علشان نحافظ على دماء المواطنين".
وأوضح "محمد قمبر"، أحد الركاب المترددين على طريق طنطا كفر الشيخ الدولي بصفة دائمة:" إزي مفيش أكمنة على الطريق، ودا ممكن يعرض المارة لحوادث السرقة بصفة يومية من البلطجية والخارجين عن القانون".
وطالب الأهالي والسائقين بضرورة إنارة الطريق حفاظا على الأرواح والممتلكات ووضع أكمنة لرفع معدل الأمان.
