محمد إمام: "مشكلة أحمد الفيشاوي إنه عايش بدماغ غربي"

في محاولة من الفنان محمد إمام على تبرير تصرف زميله الفنان أحمد الفيشاوى غير اللائق الذي بدر منه في حفل افتتاح مهرجان الجونة السينمائى، قال إمام: "بأن مشكلة الفيشاوى تكمن في إنه عايش بدماغ غربي في مجتمع شرقي"، مؤكدا على عدم دفاعه عن زميله بل وان ما قاله في حق الفيشاوى هو بحكم ما بينهما من عشرة منذ سنوات طويلة.

وقد نشر محمد إمام عبر حسابه الشخصي على موقع تبادل الصور والفيديوهات إنستجرام، صورة للفيشاوى معلقا عليها :"أنا بحب أحمد الفيشاوى.. مشكلة احمد انه عايش بدماغ غربي في مجتمع شرقي متحفظ جداً، بيغلطوا اه بس مايحبوش اللي بيحبوهم يغلطوا، انا عشت مع احمد أيام في بيت الاستاذ فاروق الفيشاوي و مدام سمية الالفي وماشفتش منهم غير كل حب، الأستاذ فاروق من ألطف الشخصيات اللي ممكن تشوفها في حياتك، و مدام سمية من أجمل الأمهات.. ده غير ان أول مسلسل ليا في حياتي كان مع الاتنين دول.. وعلى فكرة احمد الفيشاوي ده من أقوي الممثلين اللي في مصر .. سيبوه يعيش حياته زي ماهو عاوز و انتوا عيشوا حياتكم زي مانتوا عاوزين.. البوست ده مش دفاعاً عن أحمد، هو فعلاً غلط و اعتذر، بس كان في كلمتين لازم اقولهم بحق العيش و الملح و العِشرة اللي بينا".