محمد إمام في عيد ميلاده: «ما قدرش أنا على الدلع ده كله»

توجه النجم محمد إمام، بالشكر لمتابعيه عبر حسابه على موقع تبادل الصور والفيديوهات «انستجرام»، ولكل من قام بتهنئته بعيد ميلاده.

ونشر إمام صورة له مكتوب عليها الزعيم الصغير، معلقا عليها :"اللى عنده معجبين زيكم مش بس يحب يوم عيد ميلاده ، ده يحب كل لحظة بيبذل فيها مجهود علشان يسعدكم ..مش عارف أقول ايه علي كمية الرسايل و البوستات و الكومنتات الحلوة اللي جتلي ..انتوا فعلاً أحلي حاجه في حياتي ، انا مش عايش غير علشانكم و مكمل بيكم ..شكراً علي كل الحب ده..و شكراً لزمايلي الفنانين علي البوستات بتاعتهم و كلامهم ، ربنا يديم المحبه ما بينا ..و من كل قلبي شكراً علي التصميمات الجميلة و الكلام الحلو اللي موجودين علي هاشتاج.. عيد ميلاد الزعيم الصغير .. ماقدرش أنا علي الدلع ده كله .. لسة اللي جاي أحلى .. بإذن الله".

ومن جانب أخر، يستعد محمد إمام لبدء تصوير فيلمه الجديد "شمس وقمر" مع النجمة ياسمين صبرى قريبا، والذى تعاقد على بطولته مع شركة نيوسينشرى، تأليف محمد ناير وإخراج رامى إمام.

كانت آخر أعمال محمد إمام مسلسل "لمعى القط"، الذى عُرض فى شهر رمضان الماضى، وحقق نجاحًا كبيرًا، تأليف حازم الحديدى، إخراج عمرو عرفة، وإنتاج تامر مرسى، وشارك محمد إمام البطولة تارا عماد، وإنجى أبوزيد، وإدوارد، وسليمان عيد، وويزو، وأوس أوس، ومحمد أنور، وظهرت لقاء الخميسى فى عدد من المشاهد.