بعد عمرو موسى.. هشام قاسم يتطاول على «عبدالناصر»: «محدش يعرفه»

بعد تطاول عمرو موسى أمين عام الجامعة العربية على الرئيس الراحل جمال عبدالناصر في مذكراته زعم الناشر الصحفي المعروف هشام قاسم مؤسس المصري، اليوم السبت، أنه التقى سفراء أجانب لا يعرفوا سوى الأسم الأول للرئيس الراحل عبدالناصر.

لم يكتف قاسم بذلك بل هدد أنه سيستخدم خاصية« البلوك» فى حذف من يقول أن «ناصر عايش فى قلوب الشعب» وفق قوله. البوست الفضيحة الذى كتبه هشام قاسم على صفحته فيس بوك جاء كالتالي: 

«ناس كاتبة إن الغرض من مذكرات عمرو موسى، هو تشويه سيرة عبدالناصر بالتنسيق مع الدول الغربية علشان ضرب مشروع السيسي، وأنا بس عايز أقولهم إني اتعاملت مع ساسة وديبلوماسيين من الغرب والشرق وأغلبهم يعرفوا إن مصر كان بيحكمها واحد اسمه عبدالناصر من (٤٠-٥٠) سنة وبالكتير عارفين إنه زعيم قومي، وعادة ما يعرفوش اسمه الأولاني، واحد يقولي اصلهم جهله بزعماء ونضال الشعوب، اقوله لا ياحبيبي، الديبلوماسي الأمريكي وهو رايح إنجلترا عادة بيكون عنده شوية معلومات عن تشرتشل أو ايدن لكن من باب العلم بالشئ وبالكتير حتلاقيه مذاكر توني بلير، والعكس صحيح لو دبلوماسي أوروبي رايح أمريكا سقفه حيكون كلينتون».

وتابع: «وصحيح عارف إن كنيدي اغتيل ونيكسون استقال بس برضه يعني مش مركز قوي في التفاصيل. ده طبعا راجع لأن أغلب من ذكرت تحولوا إلى تاريخ وانقطعت صلة فترة حكمهم أو مشاريعهم بالحاضر، سواء ده كان بسبب فشل المشروع أساسا أو تأمر قوى الشر عليه، متفرقش، المهم أنه بح خلاص، لم يعد موجود، والتصور إن الغرب فيه مباني شبه مجمع التحرير قاعد فيها موظفين على حساب دافعي الضرائب بيتأمروا ضد أي زعيم تاريخي، انتهت علاقته بالحاضر، أي كانت اوراق اعتماده للتاريخ، نوع من الخبل المصحوب بالجهل الشديد وانسداد مزمن في شرايين المخ ملحوظة: لو حد علق تحت وقال ناصر عايش في قلوب الشعب، حرد اقوله .. عارف وبعدها حبلكه».