خبط بالعقل.. لو عاوز تخلص من مراتك أوعى تاكلها لأن المسلمين مش مصاصين دماء.. إعصار في إرما وصل لفلوريدا.. الشرطة المصرية تظبط إرهابيين في الجيزة..تدريب الجيش الروسي والأمريكي في قاعدة محمد نجيب

تدريب الجيش الروسي والأمريكي في قاعدة محمد نجيب

الله عليك يا حبيب والديك..كلمة من الأخر للناس اللي بتقول ايه لازمت قاعدة محمد نجيب أفهم أبعدها كويس أوي وبعدين أبقي اتكلم وأنتقد.. عارف يعني مصر يبقي عندها قاعدة بالشكل والحجم دة..لا وكمان هضرب فيها  جيوش برا مصر..يعني العالم كله..وأهوا أولهم الحمد لله  روسيا وأمريكا..أه أصل القوات المسلحة فى تدريبين مختلفين مع الروس والأمريكان.. قاعدة محمد نجيب تستضيف تدريبات النجم الساطع.. وسماء روسيا تتزين بنسور المظلات.. ومهارات المظليين تتجسد فى أعمال إسقاط المركبات المدرعة من المروحيات..الله وأكبر علينا..

الشرطة المصرية تظبط إرهابيين في الجيزة

الإرهاب لا دين له ولا وطن والله..تخيل كدة لما يبقي ولاد بلادك هما اللي أعداء ليك..لا وكمان بيقتلوا فيك وفي غيرك..حاجة كدة تخليك تعيد حساباتك في حاجات كتير أوي..المهم بقي إن الشرطة المصرية شدة حيلها ودة حاجة مهم جدا..عشان كدة الداخلية توجه ضربة استباقية لأخطر وكر إرهابى بالجيزة.. مداهمات أمنية تسفر عن مقتل 10 إرهابيين وإصابة 6 شرطيين..والمصيبة كمان إن في واحد فيهم  حاول تفجير نفسه بحزام ناسف.. والتحقيقات: ينتمون لحسم وكانوا يستعدون لاستهداف الأكمنة..يلا يا شرطة بلدي شيدي حيلك ونضفي أم الدنيا..يحرسكم الرب..

إعصار إرما وصل لفلوريدا والرئيس منفض

طبعا كلنا سمعنا عن  إعصار "إرما" إللي دمر الدنيا بس المصيبة أنه وصل لفلوريدا والدنيا مقلوبة في أمريكا.. المصيبة بقي إن الرئيس بتاعهم ودن من طيب والتانية من عجين ليه؟.. عشان السكان يدعون "ترامب" لفتح منتجعه السياحى لإيواء الضحايا وهو لسة مردش..ويعاني علي الناس ليه بقي؟.. عشان في انقطاع الكهرباء عن 288 ألف شخص..مستشفيات ميامى تفتح أبوابها لإنقاذ الناس وهو عارف كل حاجة ومفتحش بقوا..حاجة غريبة أصل كلكم راعي وكلكم مسئولين عن رعيتكم..

لو عاوز تخلص من مراتك أوعي تاكلها  لان المسلمين  مش مصاصين دماء

لو مضايق من مراتك أو مش طايقها.. وأتخنقت من العيشة معاها تقدر تأكلها وتخلص نفسك والدنيا من نكدها وشرها..لا وكمان إللي هتعملوا دة مش حرام  عارف ليه؟..عشان في ناس متدين أوي قالوا كدة  لا وكمان طلعوا فتوة إن الراجل لو جاع ممكن ياكل مراته..شوفتوا الحلاوة..المهم بقي إن حقيقة هذا الأمر تكمن في الأتي..قصة تداول فتوى تجيز للرجل أكل زوجته إذا شعر بالجوع الشديد.. مفتى السعودية: باطلة ونسبها إلى كذب وافتراء.. وعضو بـ"البحوث الإسلامية": لا ترقى بالدين وتشوه صورة الإسلام.. ويؤكد: المسلمون ليسو مصاصى دماء..يعني طبعا راحت عليك يا حلو وهتفضل مراتك في أرابيزك العمر كله ههههههههه..