تعليقاً على تعادل الزمالك.. عمرو أديب بـ«ON E»:«امتى هنتغير بقا»

تهكم الإعلامي عمرو أديب، على التعادل الإيجابي 1/1 بين القلعة البيضاء والإنتاج الحربي، قائلاً:"لا ديمقراطية نافعة ولا حاجة وبديتها الزمالك اتعادل وبكرة الأهلى يلعب هتلقيه يرزع 4 فى أول مباراة ويقولك روح الفنلة الحمراء..واحنا هنفضل كدا على طول يا جماعة احنا عوزين نتغير بقا وحاجة تتغير في البلد ويبقا فيها شوية ديمقراطية أو الزمالك ياخد الدورى".

 

وأضاف «أديب»، خلال تقديمه برنامج "كل يوم"، المذاع عبر فضائية "ON E"، وراديو نغم "fm"، أنه يرغب في بعض التغيير على المستوى الرياضي مثل تراجع نادى الأهلى فى الدورى المصرى، وتابع:" احنا فى نفس المشاكل لينا 30 سنة وهم نفس العدد اللى موصلناش لكأس العالم..أنا دلوقتى عندى 54 منهم 30 سنة الحال هو هو.. يعنى منرحش كأس العالم 30 سنة والزمالك ميخدش الدورى 30 سنة والأهلى يغلب الزمالك 30 سنة".