ارتفاع أسعار الزي المدرسي.. وزارة التموين تمنع استغلال التجار بتوفير السلع.. عن قطر نتحدث: اللي متغربين متبهدلين مفيش مرتبات بمعادها.. وفوائد السفر هي التقدم والرقي

فؤاد السفر الـ7 في التقدم والرقي وتغير مساير البلادان

بص وبحلق في عنيا وشغل عقلك كمان..بص يا سيدي وأنتي يا ستي..لا الامارات ولا قطر اغني من الكويت او السعودية او حتي عمان صاحبة الموقع الاستراتيجي الافضل مش كدة ولا ايه؟..ولكن اللي خلي حد افضل من حد هو الانفتاح علي الافضل والاحتكاك بالافضل..مصر الناصرية انفتحت واحتكت واقتدت بالاسوأ الذي هو الكتلة الاشتراكية التسلطية التي هزمت في الحرب الكونية فهزمنا مع من هزموا..علينا ان نحتك وننفتح ونقتدي بالافضل لان الافضل سيبقي ويتقدم ويستمر.. الزيارات الخارجية للمسؤولين مهمة لاسباب كثيرة كلنا عرفنها.. وعشان كدة لازم نرسال بعثات للخارج واستقبال اجانب يقيمون بيننا يفرز التحدي ويغير طرق التفكير البالية..افتحوا الشبابيك والنوافذ واستقبلوا واقبلوا الاخرين..هو محمد صلاح كان هيبقي كده الا لما سافر واحتك واتعلم ...؟ وكذا نحن جميعا...فتح عينك وشغل مخك واستفيد من أي فرصة فيها سفر ورقي وتقدم عشان تبقي حد غير اللي موجود معانا دة..

 عن قطر نتحدث إللي متغربين متبهدلين مفيش مرتبات في معادها

مش عرفة بصراحة انني اسافر واتغرب واشغتل برة بلدي دية بيبقي اسمها هجرة ولا لاء خاصة لما تبقي البلد عربية شقيقة.. بس  لكل قاعدة شواذ..أصل العمال الأجانب إللي  فى قطر تقدر تقول عليهم كدة  "مهاجرون بلا أنصار" فى "إمارة السخرة" دول عددهم كبير جدا  4 آلاف فى عداد العبيد داخل مشاريع المونديال ومحطات البترول..إيه بقي اللي حصلهم عدم انتظام الرواتب وغياب الرعاية عرض مستمر.. و"مظاهرات التأييد" استغلال جديد..حاجة كدة تخليك عاوز ترجع..بلا قرف..

وزارة التموين تحد من إستغلال التجار بتوفير السلع للمواطن

لو نقصك زيت وسكر ومكرونة وأرز هتلاقيهم في مكاتب التموين أو التابعيين لهم..أصل وزارة "التموين" هتبدأ في صرف السلع المدعمة للبقالين بالمحافظات وهتوفير 276 آلف طن سكر وزيت لأصحاب البطاقات ضمن مقررات سبتمبر مع بدء طرح السكر بـ950 قرشا.. ولجنة المشتريات المركزية تتعاقد على سلع المكرونة والمسلى والجبن..يعني مكاتب أو منافذ التموين هتبقي سوبر ماركت كبير هيوفرلك كل اللي انت عوزة وبأسعار معقولة..ومن هنا نقدر نقول الحكومة وخاصة وزارة التموين تمنع وتحد من إستغلال التجار..

"يالاهوي هنلطم ومش هنعلمهم" ارتفاع أسعار الزي المدرسي

أنا سمعت كدة إن في زيادة جديدة في البنزين بس اللي نقدر نقوله "ربنا يستر"..المشكلة والله مبقتش في البنزين وبس..المشكلة أكتر من كدة بكتير إن الناس بتصوت من أسعار الفراخ واللحمة..أقولك بلاش دول الناس بتلطم علي وشها من أسعار الكهرباء.. بلاش الكهربا الخضروات..النشويات..الفول والطعمية.. كل حاجة سعرها بقي عالي أوي وميقدرش عليها غير الشديد القوي..المشكلة الأكبر بقي إننا داخلين علي موسم المدارس اللي الأهلي بتروح تجيب فيه الهدوم وكدة والناس بتشتكي وبتقول إن  أسعار الزى المدرسى نار ومش بس اللبس دة كمان مستلزمات المدارس وزيادة نسبتها  30%..أقولكم نصيحة إللي أهالي الطلاب زي واحد كفايا وكتروا من الهدوم الداخلية عشان توفروا..أنتم هتأكلوا وتشربوا ولا هتعلموا ولادكم كمان..ربنا معاكم ومعانا..بس إللي جاي أحلا تفألوا تحصدون الخير كله.. أقعدوا بالعافية.