خبط بالعقل.. الدوحة تقاطع مطربي أوبريت «علم قطر» والسبب: فضحهم.. رسالة لشركة «اورانج»: «عيب».. في 2030 مصر «هتبقى قد الدنيا»
الثلاثاء، 05 سبتمبر 2017 08:00 م
قطر تقاطع المطربين المشاركين في أوبريت «علم قطر» اللي بيفضحها
قال يعني هيفرق معاهم، دول ناس مطربين تقال أوي يا حج، وهدفهم مصلحة البلاد والوطن العربي فمقاطعتك ليهم يا قطر لا هتقدم ولا هتاخر، المهم بقي إن قطر أعلنت إيقاف التعاون بشكل نهائى مع مجموعة من المطربين السعوديين الذين شاركوا فى أوبريت «علّم قطر» ..ايه الأوبريت دة يا جماعة؟..ده اللي بيفضح الدور المشبوه للإمارة في دعم وتمويل الإرهاب وتهديد أمن المملكة والمنطقة العربية.. تفتكر واحد زي مطرب العرب محمد عبده هيفرق معاه الكلام ده؟.. أكيد لا يا معلم.. بس خلاص كدة.
2030 مصر هتبقى قد الدنيا ومن قائمة أقوى 21 دولة اقتصادياً
2020 مصر ستتخلص من فيروس سي، وده إللي فعلاً بتعمله مصر دلوقتي، عشان تقضي على المرض الخطير.. المهم بقى إن مش 2020 هي بس اللي مهمة ديه كمان 2030.. أصل مصر هتبقى في قائمة أهم 21 دولة فى الاقتصاديات الصاعدة وده وفقاً لتقرير «برايس واتر هوس كوبرز» العالمية وكمان في خبير بيقول تحقيق الترتيب مرهون بتنفيذ الإصلاحات الاقتصادية، والحاجة اللي لا على البال ولا على الخاطر تغير ترتيب أمريكا وألمانيا وظهور دول جديدة، شكلها كده الصين هتبقى من الدول العظمى.
رسالة لشركة «اورانج»: عيب تهينوا الكبار في إعلان مسيء
مريض ونحسسهم باليأس وأنهم خلاص هيموتوا، المهم بقى إن وزيرة التضامن تخطر «حماية المستهلك» بوقف إعلان لشركة أورانج يسىء لكبار السن.. وعاطف يعقوب، اللي هو رئيس حماية المستهلك يشكل لجنة من الخبراء لبحث مدى مخالفة الإعلان للمواصفة القياسية.. ويؤكد: لا تهاون مع الإعلانات المسيئة..مش عشان تكسبوا وتعملوا إعلانمات تجبلكوم ملايين تجرحوا في قلوب الناس.
وضع حجر الأساس للضبعة وزيادة الاحتياطي الأجنبي.. «مصر هتبقى قد الدنيا»
عارف لما بنغمض عنينا ونفكر في أم الدنيا مصر، بنشوف ونتخيل شكل مختلف تماماً عن اللي هي فيه، بنشوف شوارع حلوة ونضيفة، ومرور كويس وقوانين حازمة وخضرا في كل حتة كدة وحاجات جميلة أوي، المهم إن النهاردة أول يوم عمل بعد إجازة العيد، ورئيس الوزراء قال إن في 4 حاجات هتتعمل في مصر الفترة اللي جاية، وضع حجر الأساس للضبعة قريباً، نتمنى فوز المنتخب الوطني، مناقشة قانون المرور غدًا، وزيادة الاحتياطي النقدي الأجنبي نتيجة تحسن المسار الاقتصادي، زي ما الرئيس وعدنا وقال لنا مصر هتبقى قد الدنيا.
