خبط بالعقل.. حبس نائب العفاريت بسبب نصبه بـ3 مليون دولار على رجل أعمال كبير أوي.. استراتيجية العام الدراسي الجديد داخل جامعة القاهرة.. ازاي الإعتصامات في الدولة بتأثر على مصالحنا؟
الأحد، 27 أغسطس 2017 08:00 م
أزاي الاعتصامات في الدولة بتأثر علي مصالحنا؟
كل ما قرار يطلع من الحكومة تلاقي الناس قامت ومقعدتش..ويعملوا اعتصامات ومظاهرات وحاجات غريبة كدة متشفهاش غير في أم الدنيا..المهم بقي إن الإعتصامات دية بتأثر بطريقة سلبية جيدا علي مصالح "مصر"..طب إزاي؟..أولا الموازنة العامة للدولة تتحمل خسائرئها.. دافعو الضرائب أول من يتحملون نتائج الاحتجاجات.. طب والحل؟.. ومطالب بوضع خطة شاملة لإعادة هيكلتها وربط الأجر بالإنتاج.. بس كدة بقي البلد هتتظبط وكل واحد هيخاف علي أكل عيشه مش كدة ولا ايه؟
استثمارات سعودية جديدة في مصر
والاستثمارات وصلت يا جدعان..وسمعني أحلا سلام جاي رايح..المهم بقي إن رجال أعمال سعوديون يستثمرون 3 مليارات دولار فى مصر..والدكتور سحر نصر وزيرة الإستثمار اتفقت مع المستثمرين السعوديين على ضخ استثمارات جديدة بعد اتفاق مع الوليد بن طلال.. وتؤكد: خريطة استثمارية تتضمن 600 فرصة استثمارية بتسهيلات كبيرة..يعني هنعيش ونقب علي وش الدنيا..
إستراتيجية العام الدراسي الجديد داخل جامعة القاهرة
هو ايه ذنب أي شخص انه يبقي عنده فيروس سي؟..ملوش ذنب والله..طيب يبيقي ليه في شاب صغير عاوز يدخل الجامعة يتمنع بسبب مرضه..لا مفيش الكلام دة يا معلم وزير التعليم العالي قال إن إصابة الطالب بفيروس سى لا تمنع قبوله..و رئيس جامعة القاهرة وهو بيعلن عن استراتيجية العام الجديد قال إن تحاليل المخدرات مستمرة على طلاب المدن.. والفيش الجنائى أهم شروط القبول.. إعادة بناء الكافتيريات داخل الحرم..بس خلاص..
حبس نائب العفاريت بسبب نصبه ب3 مليون دولار علي رجل أعمال كبير أوي
ريهام سعيد وعلاء حسانين..فاكرين الحلقة دية ولا لاء..الراجل اللي طلع العفاريت من علي البنات..المهم بقي ان علاقة علاء بالعفاريت خاليته ينصب علي راجل الاعمال حسن راتب ومش بفلوس قليلة لاء يا معلم دول 3 مليون دولار..بس عشان المال الحرام مبيدومش كان الحل الأمثل لهذا هو حجز البرلمانى السابق علاء حسانين 24 ساعة على ذمة التحقيق بتهمة النصب والاحتيال..
