محطة مياه نجوع المعادي بأسيوط تضخ مياه ملوثة (فيديو)

قطرة المياه هى الحياة للإنسان والحيوان والنبات.. ومن أجل ذلك نفتح ملفات محطات مياه الشرب المرشحة بأسيوط ، التي أنشئت في عهد الرئيس الأسبق مبارك ، في ظل حكومة الحزب الوطني التي أهدرت ملايين الجنيهات دون جدوي ، ومازال الأهاني يشربون مياه ملوثة ويزداد بهم أمراض الكبد والفشل الكلوي.

فقد رصدنا بالفيديو معاناة الأهالي في حمل جراكن المياه من القري المجاورة للشرب علي الرغم من تواجد محطة مياه مرشحة بقرية نجوع المعادي شغالة و وتعطى مياه ولكنها مياه ملوثة ، وتضخها في الترعة المجاورة للمحطة ، وتشتهلك كهرباء وعمال دون فائدة تعود على أهالي قرية نجوع المعادي و5 عزب أخري تابعة لها ومنها عزب ،يوسف سرور،المركبية.

 يقول صلاح محمد، من أهالي قرية نجوع المعادي: المحطة دي مياهها غير صالحة للشرب ونسبة المنجنيز بها مرتفعة والمرشحات سرقت ، و مديرية الري بأسيوط رافضة صرف مخلفات المرشحات  في ترعة الهريدي الخاصة بري  الزراعات بجوار محطة مياه الشرب المرشحة  والري طالبهم بتحويل صرف مخلفات المرشحات في المصرف ’’اوالترعة المرة’’لكن شركة مياه الشرب والصرف الصحي بأسيوط رافضة تعمل توصيل مواسير لمسافة 500 مترا لصرف مخلفات المرشحات في الترعة المرة.

ويضيف صبري لطفي، من أهالي قرية نجوع المعادي، إحنا عايزين يشغلوا لينا المحطة اللي متكلفة ملايين الجنيهات منذ 2004 فين المسؤلين وليه المحطة مشتغلتشي منذ 15 سنة والأطفال والأهالي العزب أغلبها مريض بالفشل الكلوي.

وهناك محطة مياه شرب ’’ تل زايد’’ في النواورة والهمامية ليه ميجبوش لينا خط بسعة 12 بوصة من محطة مياه تل زايد دى؟؟

ويتابع ترعة الهريدي التابعة لوزارة الري والمسافة بين الترعة والمحطة عدة أمتار و الري رافض صرف مخلفات محطة المرشحة في ترعة الهريدي خوفا من إنها تلوث الزراعات ، وشركة مياه الشرب واخدة الموضوع عناد ورافضة توصي بنقل مخلفات المرشحات لمسافة 500 مترا لترعة الصرف ’’الترعة المرة ’’.

وأشار محمد سعد، من أهالي قرية نجوع المعادي إلى أن أهالي القرية هنا متبهدين في الحصول علي مياه الشرب من العزب المجاورة وكل يوم بنجيب ميه من عزبة يوسف الهمامية والعقال ونجع زريقة والأطفال بتشرب مياه ملوثة.

وقال عم محمد زايد حسبي الله ونعم الوكيل :بنشرب ميه متشربهاشي البهايم ، وبنبعت العيال بالتوكتوك وبيتكلف 10 جنيهات عشان يجيب جركن ميه نضيفة من قرية الهمامية المجاورة لقرية نجوع المعادي.