خبط بالعقل.. لأعداء مصر مش هتقدروا علينا مشاريع في سيناء بـ1.2 مليار دولار.. شريط عمرو دياب انهاردة هينزل.. ارتفاع في درجات الحرارة.. يا سنة سوخة يا ولاد المياه المعدنية ضارة بصحة الأسنان

في ذكري فض اعتصام رابعة والنهضة مصر كانت هيتنظم فيها القاعدة

احنا انهاردة 13 أغسطس..ارجع بذاكرتك كام سنة لورا وافتكر زي الايام دية كان في ايه في مصر؟.. لو مفتركتش انا هقولك يا سيدي..كان في اعتصام لجامعة الاخوان الارهابية في مدان رابعة العدوية والنهضة..افتكرت ولا لسة؟..والجيش والشرطة حذروهم انهم لازم يفوضوا الاعتصام بس دة محصلش..وعشان كدة الشرطة يوم 14 أغسطس قررت انها تفض الاعتصام دة..ففى ذكرى اليوم الوطنى لشهداء إرهاب الإخوان.."رابعة" معسكر حركات الإرهاب فى ربوع مصر.. الاعتصام أنتج حركات "أجناد مصر وحسم ولواء الثورة والمقاومة الشعبية" لمواجهة الدولة.. خبير: لولا الفض لتأسس تنظيم القاعدة بمصر..متخيل بقي مصر كانت هتبقي فين؟..ربنا يخليلنا الشرطة والجيش والشعب..

"لأعداء مصر مش هتقدروا علينا"مشاريع في سيناء بـ1.2 مليار دولار

سيناء الحبيبة أرضك هي الفيروز وبحرك هو الحياة..من زمان وسيناء عليهاالعين من العدو هل دة عشان فيها خيرات كتير أوي محدش هيعرف يستغلها غيرهم؟..ولا عشان موقعها الاستراتيجي؟..بس اللي كانوا عينهم عليها خلاص راحت عليهم عارفين ليه..عشان  في مشاريع كتير أوي هتتعمل علي أرض سيناء..يعني في سكان كتير اوي هيعيشوا فيها..يعني محدش هيقدر يطلعهم من أرضهم..يعني أخبطوا راسكم في الحيط..أنهاردة الدكتور سحر نصر راحت سيناء عشان تشوف المشاريع وكدة وقالت إن الصندوقان السعودى والكويتى يمولان تنمية سيناء بـ1.2 مليار دولار..أوبا بقي بجد..ورئيس الجمهورية يوجه بسرعة إنجاز المشروعات لخدمة أهالى المحافظة..انتخبت يا ريس وهفضل انتخبك لأخر العمر لانك رجعت للمصري كرامته وزي ما وعتنا إن مصر أم الدنيا وهتبقي قد الدنيا..

"لولولي"شريط عمرو دياب انهاردة هينزل
وصل وصل وصل وبعد انتظار كتير اوي ألبوم الهضبة هينزل النهاردة..شرايط عمرو دياب ديه  يا جماعة بتفكرنا باحلا ايام حياتنا ايام مكانش في مصيف في مصر غير الاسكندرية كان بينزل شرايطه واحنا في البحر ونسمعة واحنا علي الشاطيء واحنا في العربية واحنا سهرنين..شرايط الهضبة دائما يتخليك ترجع سنين كتير اوي لورا وتفتكر أحلا ايام حياتك..المهم بقي ان اغنية "معدي الناس" سمعها اكتر من مليون ونص واحد..طبعا دة عمرو دياب يا جدعان..انا بقي اول واحدة مستنية الشريط لاني بعشقك يا هضبة..مين تاني مستني.. طرح ألبوم "معدى الناس" للنجم عمرو دياب اليوم..

ارتفاع في درجات الحرارة

اه يا واد يا ولعة..دة اللي كل المصريين حسين بيه لا تكيف ولا مروحة ولا حتي حما نافع في الحر الفظيع اللي احنا فيه دة..بس اللي جاي اصعب بكتير اوي اوي..هيئة الأرصاد بتقول ان طقس الغد حار رطب على الوجه البحرى.. والعظمى بالقاهرة 37 درجة.. اه يا واد يا ولعة فعلا..

المياه المعدنية ضارة بصحة الاسنان

لا فلتر نافع ولا ماية معدنية شافعة..أنهاردة في دراسة بريطانية بتحذر من شرب  المياه المعدنية لانها ضارة  علي صحة الأسنان..طب هنعمل ايه يا جدعان الواحد بقي متبهدل حتي بق الماية اللي بنشربه في مشاكل..الحل في الحنفية بصداها وحديدها هههههههههه..اقعدوا بالعافية..