خبط بالعقل.. مدير صندوق «تحيا مصر» يعلن التخلص من العشوائيات في 2018.. بديع بيقول الناس اختارت مرسي رضي الله عنه.. الداخلية تضرب معاقل الإرهاب بالصعيد.. البرلمان يطالب بتقليل سن الجواز لـ16 عامًا
الخميس، 10 أغسطس 2017 08:00 م
مدير صندوق «تحيا مصر» يعلن الانتهاء من تطوير المناطق العشوائية في 2018
غمض عينك وتخيل معايا كدة.. لما تبقي ماشي في مصر ومش هتلاقي أماكن عشوائية وزبالة ومباني شكلها مش حلو.. وتلاقي كل حاجة معمولة صح وبشكلب فني وجميل.. تخيل كدة مصر هتبقي فين؟.. المهم بقى إن مدير صندوق «تحيا مصر» يعلن الانتهاء من تطوير المناطق العشوائية في 2018.. يعني فاضل كام شهر وهنلاقي المناظر اختلفت في مصر خالص.
بديع بيقول الناس اختارت مرسي رضي الله عنه
الأشخاص الذين يدعون أنهم متدين ويتقون الله في تصرفاتهم ويدعون إسلامهم وهم لا يفقهون شيئ عن الدين.. وزي ما تقول كدة واخدينه سيتراة لأغراضهم السياسية.. بيغلطوا في كل زي بالضبط كدة بديع إللي بيقول في «أحداث بني سويف»: الناس اختارت مرسي رضى الله عنه..ال له يخرب بيتك وبيت البرشام اللي بتاخده يا شيخ.
الداخلية تضرب معاقل الإرهاب بالصعيد
الشرطة شدة حيلعها جامد أوي على الإرهاب أصلهم عوزين مصر تخلص من الإرهابيين والإرهاب عشان نبقي بلد بلا إرهاب.. المهم بقى إن الداخلية تضرب معاقل الإرهاب بالصعيد وقوات الأمن تداهم كهوف فلول "عمرو سعد" والمواجهات تسفر عن مقتل 3 إرهابيين القتلى متورطين فى استهداف حافلة الأقباط بالمنيا وسيارة الشرطة بالأقصر وتفجير الكنائس..بس خلاص...
النائبات بيطالبوا بتقليل سن الجواز لـ16 سنة
زمان أوي كانت الست مبتكملش تعلمها دة لو دخلت المدرسة أصلا..وكانت يدوب بتفك الخط دة لو فكته أصلا..المهم بقي كانت بتتجوز في سن صغير جدا علي 13 أو 14 سنة..وبتشيل بيت عيلة وكانت بتبقي قداها الحقيقة..المهم بقي إن في نائبات بالبرلمان عوزين سن الجواز يبقي من 16 سنة ..هو وهى" فى البرلمان.. "سن الزواج" يحشد النائبات ضد مقترح نائب بتخفيضه لـ16 عاما.. مارجريت عازر: غير دستورى ويشجع التسرب من التعليم.. وهالة أبو السعد: يهدد الأسرة بالفشل.. وبيان: لن نسمح بإهدار حقوق المرأة.
