خبط بالعقل.. 60 موظفة بجوجل تقرر مقاضاتها عشان عنصريتها للرجال.. النيابة بتحقق في اتهام مشرف بدار أيتام بمدينة نصر بتعذيب الأطفال.. الطفل ياسين نجل الشهيد أحمد عبد الفتاح يتقدم الجنازة العسكرية لوالده

فشل خطة قطر والإخوان للسيطرة على الدول العربية بعد الربيع العربى

تونس مصر سوريا اليمين الوطن العربي كله تقريبا..ثورات والدنيا قايمة مقعدتش فيهم وفي وقت واحد كمان تحس كدة إن ورا الموضوع إنا..مش كدة ولا ايه..بس ربنا كشف الحقيقة مع اننا كنا عرفنها..بص يا سيدي وانتي يا ستي..فشل خطة قطر والإخوان للسيطرة على الدول العربية بعد الربيع العربى.. الدوحة استعانت بإدارة أوباما للحصول على الدعم.. ومولت التنظيم لنشر الفوضى ببلدان المنطقة.. ووجدى غنيم والغنوشى والقرضاوى أبرز أدواتها..

رجعت مصر أخيرا مي الخرسيتى نجمة السوشيال ميديا الجرئية بانتقاد ذكورية المجتمع المصري

يعني ايه راجل يتحكم ويخنق في الست بتاعته؟..يعني ايه تبقي معندكش أي حاجة في الدنيا تملكها وتطلع عين الست اللي معاك؟..يعني ايه الراجل يزعق ويهزق الست اللي معاه عشان هو طبعه كدة..حاجات كتير أوي المجتمع الذكوري بيفرضها بحكم أنه راجل وهو ست..أهم حاجة بقي إن مى الخرسيتى أحد نجوم السوشيال ميديا التي قامت بانتقاد ذكورية المجتمع المصري عبر العديد من الفيديوهات.. عاشت فى أمريكا وعملت معيدة بجامعة تكساس.. وتطلق هاشتاج THINK MASRY لرصد العيوب..ورجعت مصر لخدمة بلدى وتغيير أفكار الرجال وأقدم روشتة علاج للأمراض النفسية عبر الفيس..بس خلاص..

الطفل ياسين نجل الشهيد أحمد عبد الفتاح يتقدم الجنازة العسكرية لوالده بقنا

كل يوم عياط وحرقة قلب بشكل مختلف ولكن الوجع واحد أوي..طبعا كلنا سمعنا عن أحمد عبد الفتاح قائد قوات الدعم بقطاع الأمن المركزى الذي استشهد أمس برصاص الغدر أثناء اقتحام وكر لعناصر إرهابية بمنطقة جبلية بمركز أبوتشت محافظة قنا..انهاردة كانت الجنازة  وزملائه يصرون على ارتدأ أبنه الطفل البالغ عامين "الباريه" العسكرى..الطفل ياسين نجل الشهيد أحمد عبد الفتاح يتقدم الجنازة العسكرية لوالده بقنا..أه يا قلبي يا بني ياللي اتيتمت بدري يا حبيبي..لك الله..

النيابة بتحقق فى اتهام مشرف بدار أيتام فى مدينة نصر بتعذيب الأطفال

حاجت غريبة ومثيرة للجدل الصراحة يعني..دار الأيتام بقى حواليها الكثير من القلق بسبب ناس بتشتغل معندهاش قلب ولا رحمة والله..بيعذبوا الأطفال اللي ملهومش ذنب في أي حاجة بالدنيا..كل ذنب الأطفال دول أنهم أيتام وبس..أخر حاجة حصلت بقي النيابة بتحقق فى اتهام مشرف بدار أيتام فى مدينة نصر بتعذيب الأطفال.. أحد الضحايا بيقول  اتهمنى المشرف دة  بسرقة تليفون وهددنى بمطواة.. نزيل عندهم في الدار قال إنه ربط زميلنا بالسرير وعلقه فى المروحة.. وآخر بيقول  جرده من ملابسه وصوره عاريا وضربه بالخرطوم..ايه بالشاعة دية يا جدعان إزاي كدة هو في كدة أصلا..يعني ايه تعمل كدة في ناس ملهاش دعوة باي حاجة غير ان ربنا خلقهم كدة..حسبي الله ونعم الوكيل فيك..

60 موظفة تقرر مقاضاة الشركة الأمريكية لتحيزها للرجال والتمييز فى الأجور

حتي أنت يا جوجل عندك تميز بين المرأة والرجل..النساء يتحدن ضد جوجل الجارديان: 60 موظفة تقرر مقاضاة الشركة الأمريكية لتحيزها للرجال والتمييز فى الأجور.. محامى حقوقى: يتقاضين أقل من الذكور بـ40 ألف دولار.. والشركة ترد: نحدد الرواتب وفقا للوظيفة وليس الجنس..هو الطبيعي الصراحة يعني أن تحديد الراتب ومهام الناس حسب الخبرة وليس الجنس.