خبط بالعقل..الشعب لن يترك الدولة تسقط.."أدي أخرة التجميل وعميلة" وفاة الراقصة"غزل"..المنتخب يرفع حالة الطوارئ..الشرطة تحاصر مافيا"البيه البواب"

وفاة الراقصة "غزل"

هي دية أخرت عمليات التجميل وسنينها..تجميل ايه؟..أصل في راقصة اسمها غزل ماتت انهاردة الصبح في مستشفي خاصة بحدائق الأهرام بسبب عملية تصغير ثدي.. أه سمعت عن الموضوع دة بس هي مامتتش بسبب عملية تجميل دية راحت تجمل إجهاض بعد ما الجنين مات في بطنها.. إجهاض إيه  يا عم دية عملية  تجميل..لا والله إجهاض دة غللي النيابة قالته..طب ووزارة الصحة قالت إيه؟..قال "الصحة"أنها هتشكل لجنة لتقصى حقيقة وفاة الراقصة غزل..تكون كملت الأربعبين عقبال ما يعرفوا الحقيقة..لا ياعم الدنيا مقلوبة أصلها مرات راجل أعمال مهم وكدة..طيب لما نشوف بقي الحقيقة فين..

الشرطة تحاصر مافيا "البيه البواب" لترويجهم العملات الأجنبية بـ"البدرومات"

كل سنة وانتم طيبين العيد فاضلوا أقل من شهر. بدأت مواسم الحج وسفر الحجاج للأراضي المقدسة وكدة..بس هنقول إيه في ناس معندهاش ضمير بيستغلوا أن الحجاج عوزيين ريالات سعودية وكدة..المهم بقي قبل "موسم الحج".. تجار الريالات السعودية تحت مجهر مباحث الأموال العامة.. الشرطة تحاصر مافيا "البيه البواب" لترويجهم العملات الأجنبية بـ"البدرومات".. مداهمات للسوق السوداء بناء على معلومات وبلاغات من المواطنين..بس خلاص..

وزير الأوقاف يوجه رسائل نارية من الأقصر

الخطاب الديني يا ناس يا هو..عرفني ديني بوساطية وليس بتشدد وخوف منه..عرفني ديني بالعقل يا ناس.. وزير الأوقاف يوجه رسائل نارية من الأقصر.. خصم 3 أشهر لمن يخالف تعليمات الصعود على المنبر.. مختار جمعة: "معنديش كوسة فى التعيينات".. ويؤكد: "لا نقبل يد أحد إلا الإمام الأكبر أحمد الطيب"..يعني لازم أي إلإمام يطلع يخطب يبقي متعين مش كل من هب ودب يطلع ويقوله كلمتين يلعب بيها في دماغ الشباب وياخدهم في الجماعات الإرهابية وكدة..إعرف دينك بوسطية وليس بتشدد عشان تعرف تتعامل مع الأخريين..أقعدوا بالعافية..

المنتخب يرفع حالة الطوارئ استعدادا لموقعة أوغندا

هل هو مأذق أم شطارة؟..دة إللي أحنا هنشوف في تخطيط كوبر الجديد..المنتخب يرفع حالة الطوارئ استعدادا لموقعة أوغندا.. كوبر يضم 3 وجوه جديدة لسد الثغرات.. الجبلاية تستدعى الخواجة لجلسة حاسمة بعد البطولة العربية.. وتطلب تفسيرا لتراجع المستوى أمام تونس وأسباب الخسارة..

الشعب لن يترك الدولة تسقط

لما بتشوف إن بلدك معرضة للخطر.. والرئيس بيحارب في كل حتة عشان التخلص من الإرهاب.. يبقي هنا يجي دور الشعب.. متقولش الدنيا بتغلى وإنت قاعد في بيتك ومش بتحارب.. متقولس سياسة الحكومة فيها إنا لأن الحكومة طالع عينها.. متقولش الجيش مش عارف إيه لانه مفتوح بطنة وبيحارب في سينا للقضاء علي الإرهاب.. يبقي هنا لازم يجي دور الشعب.. وعشان كدة "الشعب لن يترك الدولة تسقط" رسالة رؤساء الأحزاب لأعداء الوطن.. عصام خليل: وسائل التواصل أداة فى المؤامرة.. أشرف رشاد: لابد من توعية المواطن البسيط فى ريف مصر وصعيدها.. رفعت السعيد: الغرب يريد مصر بدون السيسى.. ربنا معاك يا رئيسنا ويحميك لينا وربنا يقدرنا ونحافظ علي بلدنا الجميلة..