خبط بالعقل.. في مؤتمر الشباب: «الإرهاب والزيادة السكانية أكبر خطرين في مصر ».. مفاجأة منطقة اقتصادية في سفاجا وقنا.. قرار من الرئيس بإقرار قانون يعتبر المفقود ميتا بعد 30 يوماً

منطقة اقتصادية في سفاجا وقنا وقفط

العاصمة الإدارية الجديدة..وقاعدة محمد نجيب العسكرية..وأخيراً وليس بآخر المنطقة الاقتصادية..مشاريع ضخمة تستحق الانحناء أمام ما يقوم به الرئيس السيسي..مش كدة ولا ايه؟..النهاردة اتنشر في الصحف القومية  القرار الجمهوري، بإنشاء المنطقة الاقتصادية للمثلث الذهبى..يعني ايه؟.. منطقة اقتصادية ذات طبيعة خاصة وفقا لأحكام قانون المناطق الاقتصادية ذات الطبيعة الخاصة المشار إليه الأراضى الواقعة فى منطقة المثلث الذهبى  "القصير- سفاجا- قنا – قفط"..

في مؤتمر الشباب السيسي قال الإرهاب والزيادة السكانية أكبر خطرين تواجههم مصر

النهاردة  أول أيام مؤتمر الشباب.. والرئيس قال فى مؤتمر الشباب إن  الإرهاب والزيادة السكانية أكبر خطرين تواجههم مصر..المرتبات بصفة عامة ليست جيدة ونعلم احتياجها لزيادات..أمامنا خياران يا نكافح ونوصل أو نمد إيدينا..ومش هنعدل الثانوية العامة غير بشروط.. دية أبرز الحاجات اللي السيسي اتكلم فيها..بصراحة كلام كدة يكيفك ويخاليك مطمن وعارف ومتأكد إنك في أيدي أمينة..ربنا يخليك لينا يا نور عيونا.

رئيس الوزراء: سنبدأ بجني الثمار تدريجياً فمصر تنعم باستقرار سياسي

خلال مؤتمر الشباب اليوم  رئيس الوزراء قال كلمة حلوة أوي وعبر عن كل حاجة إحنا كمصريين خايفين منها..قال ايه بقي؟..بص يا سيدي  لن نتوقف عن الإصلاح وستتراجع حدة القرارات الاقتصادية وتأجيلها كان شبه مستحيل وسنبدأ جنى الثمار تدريجيا فمصر تنعم باستقرار سياسى ونسعى لتتبوء مكانتها التى تستحقها..كلام كدة يحسسك أد ايه مصر كبيرة وغنية وعظيمة..وإللي مسكينها رجالة بجد..

قرار الرئيس السيسي بإقرار قانون يعتبر المفقود ميتا بعد 30 يوما

طب الحي بيلبسلوا  أبيض والميت بيلبسلوا أسود والتاية هنلبيسلوا ايه؟؟سؤال طرحت الحاجة أطاطا في فيلم عوكل..وبصراحة سؤال لازم نلاقي له إيجابة..بس الإجابة وصلت انهاردة فالجريدة الرسمية تنشر قرار الرئيس السيسي بإقرار قانون يعتبر المفقود ميتا بعد 30 يوما..يعني هتفضل مش عارف تلبس ايه غير بعد 30 يوم..وأنت وحظك المفقود طلع تاني ولا لاء بقي..