كهربا!
الأربعاء، 26 يوليو 2017 10:00 ص
محمد الرفاعى
¿ العام الماضى.. كنا نشكو مر الشكوى، من انقطاع الكهرباء! هذا العام نناشد حكومة الكفرة، قطع الكهرباء، والله يخرب بيت توماس إديسون ياشيخ!
¿ زمان.. كانوا بيعالجوا الأمراض النفسية بالكهرباء، دلوقت.. هيعالجوها.. بالشومة!
¿ الدكتور هشام عرفات وزير النقل: السعر الحقيقى لتذكرة القطار، من القاهرة إلى الأسكندرية.. 400جنية! ياراجل؟! وكاتم كل ده فى قلبك وساكت؟!
طب ما تخليهم 500 بدل ما يطق لك عرق، ولا يجرى لك حاجة الشر برة وبعيد!
¿ السيد وزير النقل، اللى جاى متسلط علينا، مع إننا مش ناقصين، خلى لك أنت قطاراتك المنيلة يا عم، إحنا هانرجع لجذورنا ونركب المحير..أرخص وأضمن، وما تبعملش حوادث وتدخل فى بعض!
¿ زمان.. كان عندنا اختراع اسمه الطبقه الوسطى دلوقت عندنا.. الناس اللى فوق.. والناس اللى تحت!
¿ شيخ الأزهر ومستشاره محمد عبد السلام، بتوع قانون الكراهية.. والعمة المقدسة، لم يتحرك واحد منهما، عندما قرر حزب البناء والتنمية، تصعيد الإرهاربى الهارب طارق الزمر لرئاسة الحزب!
¿ «وزير البترول قال بخفة دم نادرة: لم أكذب عندما قلت أسعار الوقود لن ترتفع الآن، فالأسعار ارتفعت فى الفجر! عشان دى مسألة أمن قومى! ولله أنت اللى أمن قومى يا عم الحاج!
¿ يا خواجة إيناسيو.. خالتك أم شفاعات بتاعة الكرشة، بتقول لك بلاش تسرح قدام النادى، أحسن العيال هايحدفوك بالطوب.. تعالى إسرح معاها فى المدبح!
¿ يا ريت يا عم إيناسيو وانت طالع على البرتغال، تاخد معاك أخوك شيكابالا.. ينوبك فيه ثواب.
¿ من أهلى طرابلس إلى الخواجة إيناسيو.. نشكركم على حسن تعاونكم!
