خبط بالعقل.. في الذكرى الـ 65 لثورة 23 يوليو جزمة «سما المصري» عملت مشكلة بضريح جمال عبد الناصر.. الأقصى يئن والجزيرة تفتح أبوابها للجيش الإسرائيلي.. المتحدث باسم البيت الأبيض «حرامي ثلاجات»

حذاء سما المصرى يتسبب في مشادة وتوتر أمني داخل ضريح جمال عبد الناصر

للميت حرمة وللأضرحة أيضا.. بس مع سما المصري مفيش مستحيل عارفين ليه؟ عشان دخلت ضريح الرئيس السابق جمال عبد الناصر.. وقال إيه عوزة تاخد صورة تذكارية مع الضريح.. عارفين ليه؟ صح كدة عشان تحطها على «الانستجرام» وكدة.. المهم بقى إنها أصلا رايحة الضريح للاحتفال بثورة 23 يوليو.. بس الواضح إن السوشيال ميدا عملت خلل للناس أه وربنا.. المهم بقي إن الأمن رفض إنها تتصور قادم الضريح عشان الجزمة قامت قالعة الجازمة واتصورت.. جبارة والنعمة يا سما.. واللي في دماغك لازم يمشي يا حبيبتي..

المتحدث باسم البيت الأبيض السابق متهم بسرقة ثلاجة صغيرة من الرئاسة
بصراحة مش عرفة نقدر نسميها جوع  ولا استخسار ولا إيه بالضبط؟ بس بصراحة اللي قريته النهاردة كان مفاجأة كبيرة أوي بالنسبة ليا.. ذكرت صحيفة وول ستريت جورنال الأمريكية أن شون سبايسر المتحدث السابق باسم البيت الأبيض متهم بسرقة ثلاجة صغيرة من الرئاسة الذى تقدم باستقالته الجمعة الماضىية متهم بسرقة ثلاجة صغيرة من مكتب موظفين صغار فى البيت الأبيض.. طب ده نسميه إيه بقي؟ الله وأعلم يا جماعة.. بس أنا حاسة إنه كام مزنوق في الثلاجة اللي أخدها.. هل يترى معهوش فلوس؟ هل المدام شبطانة فيها.. أكيد هيبان..

الأمن الوطني يضرب معسكرات «حسم» الإرهابية
حشرة نفسك في كل حاجة يا قطر.. حتى في أمن مصر واستقرارها بس السيسي مش هيسمح بكده.. وأدينا بنحارب الإرهاب والدول اللي بتساعدها أزن فهمة قصدي يا قطر.. الأمن الوطنى يضرب معسكرات «حسم» الإرهابية.. مقتل 8 من كوادر الحركة بالفيوم قبل استهداف رجال الشرطة ودور العبادة.. والقبض على 5 آخرين بالجيزة والشرقية تلقوا أموالًا من قطر لارتكاب أعمال عنف.. بس خلاص..

الأقصى يئن والجزيرة تفتح أبوابها للجيش الإسرائيلي
على القدس رايحين.. هنحرر القدس.. وفي الأخر لكي الله يا قدس.. كلام بنسمعه ومن وإحنا عيال.. مرة وأنا في أولى إعدادي عملنا مظاهرة في المدرسة تحت قيادة المدرسيين عشان القدس وفلسطين.. وجمعنا فلوس وبعتناها عشان نساعدهم.. بس طبعا بلا فايدة خالص لا فلسطين اتحررت ولا أي حاجة حصلت كله بيدور علي مصلحتوا وبس.. المهم بقي إن  الأقصى يئن والجزيرة تفتح أبوابها للجيش الإسرائيلى.. الفضائية القطرية تستضيف منسق عمليات الاحتلال..

مصطفى بكرى: تخدم الكيان الصهيونى.. وخبراء: تعبر عن سياسة الدوحة ضد العرب وتوجه العقل العربي لقبول إسرائيل كواقع.. يعني كده قطر عوزانا نتقبل إسرائيل إنها تحتل القدس والمسجد الأقصى مش كفايا عليها اللي أخدته لا كمان المسجد الأقصى.. بجد الله قطر وإسرائيل واللي بيدعمهم هيتحرق في نار جهنم.. حسبي الله ونعم الوكيل في مناظركم الو..ة..

فى الذكرى الـ 65 على ثورة 23 يوليو
النهاردة يوم مش عادي.. ليه؟.. النهاردة 23 يوليو.. ده عيد ميلاد مين؟.. عيد ميلاد إيه ده عيد الثورة يا عم.. ثورة؟ أه ثورة 1952.. أه اللي هي ايه يعني.. يعني مصر بقت جمهورية بدلا من ملكية.. كأه جمال عبد الناصر ومحمد نجيب وكده.. أه.. طب وبعدين..فى الذكرى الـ65 على ثورة 23 يوليو.. نجل عبد الناصر وسياسيون ومواطنون يزورون قبر الزعيم الراحل.. يؤكدون: أعظم ثورة فى التاريخ.. و مصطفى بكرى: أجد راحتي النفسية بالضريح.. طبعا كل ده تمجيدا للثورة..