خبط بالعقل.. مواطن إماراتي عن خطابي السيسي وتميم: قال رئيس واثق ويشكر شعبه ورئيس مهزوز يشكر تركيا.. خليك فخور أنك مصري عشان السيسي رئيسك.. اقتصاد قطر في النازل واحتياطي القمح أخره 4 أسابيع.. شكلها موجة حر بكرة

افتتاح قاعدة محمد نجيب العسكرية

لما بتحس إن رائيسك الناس بيصقف له.. وكمان مش مصدقة كم الإنجاز إللي بيعملوا للبلد ولينا كشعب.. بينبقي واقف مش عارف تفرح ولا تزعل تضحك ولا تعيط..عارف الحاجة وعكسها هو دة إللي الشعب المصري حاسس بيه.. وكمان أنهاردة الرئيس السيسي فاجئنا بقاعدة محمد نجيب العسكرية اللي محدش تقريبا كان يعرف عنها أي حاجة.. واللي هي هتبقي حماية لمصر أولا وللوطن العربي ثانيا.. يعني حماية حماية لا إخوان هيقدروا علينا ولا حتى إرهاب ولا قطر.. ربنا يحميك ويخليك لينا يا ريس..

مواطن إماراتى عن خطابى السيسى وتميم قال رئيس واثق يشكر شعبه ورئيس مهزوز يشكر تركي

لما الدول العربية تشوف دولة رائسها بيبع شعبها ودولة تانية رائسها واقف اسد ولا بيهمة حد غير مصلحة الوطن.. ده بقي اللي غرد بيه مواطن إماراتي عن خطابى السيسي وتميم وقال الراجل اللي لا من ديني ولا من دينك.. رئيس واثق يشكر شعبه ورئيس مهزوز يشكر تركيا.. بس بقى وخلصت على كده وجبرنا الحمد لله..

 20 رسالة للسيسي في خطاب اليوم

انهاردة الرئيس السيسي طل علينا بخطاب فيه مفاجأت وكدة.. بس في 20 رسالة للسيسى من أكبر قاعدة عسكرية بالمنطقة.. رد الاعتبار للواء نجيب وتأكيد الروابط مع الأشقاء وإعادة الفريق الشاذلى لبيته.. استعراض قوة مصر واحتضان الشباب وطمأنة الشعب.. وتحذير «الأعداء الصغار» أبرز الرسائل.. وإنه مش هيسمح لحد يلعب بالشعب ولا بالوطن.. وإنه عارف كل حاجة وأهمها غلاء الأسعار.. تسلم ياريس بلادي..

اقتصاد قطر في النازل واحتياطي القمح أخره 4 أسابيع

من حفر حفرة لأخية إيه اللي بيحصلوا؟ بيقع فيها.. صح

ده بقى اللي بتدفع تمنه قطر دلوقتي.. عشان اقتصادها في النازل ده في  388 شركة سعودية تلغي عقودها مع إمارة الإرهاب اللي هي قطر يعني.. وكما احتياطي القمح مش هيكفي غير 4 أسابيع.. يعني الشعب هيموت من الجوع.. وما أدراك يا تميم يعني إيه شعب يموت من الجوع.. ده هيطلع يفرمك بجد.. لأنه جيعان وأنت طبعا متعرفش يعني إيه جوع.. أهم حاجة إن كل حاجة داين تدان يا معلم..

خاليك فخور أنك مصري عشان السيسي رئيسيك

انهاردة الرئيس السيسي قال كلام جامد جدا.. الكلام يخليك فخور انك مصري بجد.. وأن السيسي رئيسك.. الرئيس  قال إيه بقي من قاعدة محمد نجيب العسكرية: أعداء مصر يريدون النيل من معنويات الشعب عن طريق بث الإحباط ولن ينجحوا.. أدرك جيداً حجم المعاناة من ارتفاع الأسعار.. والحفاظ على مقدرات 100 مليون مواطن ليس هيناً.. ممكن أقولك على حاجة يا ريس مش احنا بس اللي نور عينيك أنت كمان نور عيننا.. بنحبك..

ارتفاع في درجات الحرارة غدا

شكلها موجة حر جديدة والله وأنتم مخبيين علينا.. مش كدة ولا إيه؟

أصل كل أسبوع بيتجلنا موجة حر تخالينا مش عرفين ناخد نفسنا.. بس عادي بنعيش ونتعايش وننزل ونخرج ونتفسح كمان.. إحنا كمصريين مش بيفرق معانا الكلام دة خالص.. ولهذا السبب أننا جببابرة فطقس الغد مائل للحرارة علي السواحل شديد الحرارة علي الجنوب..قشطة جدا..

نصائح لتعليم طفلك تحمل المسئولية

نصيحة علي الماشي.. عوزة تعويدي طفلك علي تحمل المسئولية وتخليك قوي ومتين وكدة..هنقولك  السر.. أهم حاجة  التشجيع في كل حاجة صح بيعملها.. وكمان  التحفيز..على الأم والأب أن يصبحان قدوة لأبنائهم لكي يصبحون الأبناء جيدون.. البعد عن التهديد والضرب..التحدث بالعقل والحكمة..